Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
Məhz bu fəaliyyətinə görə Qurbanov qondarma qaçaqmalçılıq ittihamı ilə həbsxanaya düşüb.
Mükafat Resplatforma İdarə Heyətinin üzvü Rövşən Ağayevə təqdim olunub.
O, Qurbanovun Resplatforma hərəkatının yaradılmasından 3 ay sonra həbs olunmasına diqqət çəkib.
Azərbaycan Xalq Cəbhəsi Partiyasının sədri Əli Kərimli N.Yaqublunun atası Tofiq Yaqublunun da həbsdə olduğunu qeyd edib.
O, T.Yaqublunun həbsxanaya düşdüyü üçün demək olar ki, heç vaxt «Nərgiz» mükafatlandırma mərasimində iştirak etməməsinə diqqət çəkib.
“Tofiq Yaqublu dördüncü dəfədir ki, siyasi məhbus taleyini yaşayır”, - Kərimli bildirib.
Kərimli onu da qeyd edib ki, Qurbanov və Yaqublu ölkədəki 331 siyasi məhbus arasındadır və onların hamısı azadlığa buraxılmalıdır.
Tədbirdə N.Yaqublunun bacısı Nigar Həzi də çıxış edib.
Akif Qurbanov 2024-cü ilin martında Toplum TV işi üzrə həbs edilib.
«Nərgiz» mükafatı 2015-ci ildə Müsavat Partiyası tərəfindən bu təşkilatın fəalı Nərgiz Yaqublunun xatirəsinin əbədiləşdirilməsi məqsədilə təsis edilib. O, gənclər hərəkatında fəal iştirak edib, partiyanın gənclər təşkilatının sədr müavini olub. 2014-cü ildə Nərgiz Yaqublu Rusiyaya köçüb. 2015-ci ilin aprelində Tomskda vəfat edib.
Nərgiz mükafatının əvvəlki laureatları arasında “Abzas Media” nəşrinin baş redaktoru Sevinc Vaqifqızı, “Nida” hərəkatının üzvü İlkin Rüstəmzadə, gənc fəallar Qiyas İbrahimov/Bayram Məmmədov, Azərbaycan Xalq Cəbhəsi Partiyasının (AXCP) sədr müavini olub Gözəl Bayramlı, ekoloq Cavid Qara, vəkil Aqil Laic, blogger Mehman Hüseynov və “Müsavat” üzvü Ayxan Hacıbəyli olub.
Siyasət
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
Rəy yaz