Bakı/11.07.19/Turan: Ötən gün İranın Bakıdakı səfirliyinin qarşısında bu ölkədə repressiyalara məruz qalan insan hüquqları müdafiəçisi, etnik azərbaycanlı Abbas Lisani və digər fəalların hüquqlarını müdafiə məqsədilə aksiya keçirilib.
Aksiya Milliyyətçi Gənclər Təşkilatı tərəfindən təşkil edilib. Aksiyada "Soydaşlarımıza azadlıq!", "Cənubi Azərbaycan İran deyil!", "Azərbaycan bir olsun, paytaxtı Təbriz olsun!" və digər şüarlar səsləndirilib.
Aksiya iştirakçıları piketin qətnaməsini oxuyublar.
Qətnamədə qeyd olunur ki, son vaxtlar İran hökuməti bu ölkədə yaşayan etnik azərbaycanlıların mili-mədəni hüquqlarını müdafiə edən şəxslərə qarşı təzyiqləri artırıb.
Milli fəallar Abbas Lisani 8, Kazım Səfabəxş 13 il azadlıqdan məhrum edilib.
Bundan əlavə, Siyamək Mirayinin 3 illik cəza müddəti başa çatsa da azadlığa buraxılmayıb.
Həmid Allahverdi 7, Səhənd Məali 10 ay müddətinə həbs edlib. "Yol-Press" media orqanı, "Açıq Yol" dərgisi bağlanıb", qətnamədə deyilir.
Lakin səfirlikdən heç kim etirazçıların qarşısına çıxmayıb və qətnaməni qəbul etməyib. -06d-
Cəmiyyət
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
-
Fevralın 13-də paytaxtda və Abşeron yarımadasında yağıntı gözlənilir. Şimal-qərb küləyi cənub-şərq küləyi ilə əvəz olunacaq. Havanın temperaturu gecə 1-3, gündüz 5-8 dərəcə, nisbi rütubət 70-80% təşkil edəcək.
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
Rəy yaz