Bu gün Bakı Apellyasiya Məhkəməsində hakim Abid Abidinbəyovun sədrliyi ilə İranın “Səhər” televiziyasının müxbiri Anar Bayramlının Binəqədi Rayon Məhkəməsinin 9 iyun 2012-ci il tarixli qərarından verdiyi apellyasiya şikayətinə baxılıb.
Onun vəkili Anar Qasımlı prosesdə çıxış edərək bildirib ki, A.Bayramlının həbsi onun jurnalist fəaliyyəti ilə əlaqədardır. A.Qasımlı müdafiə etdiyi şəxsin beynəlxalq təşkilatlar tərəfindən vicdan məhbusu kimi tanındığını, apellyasiya şikayətinin təmin edilməsinin Azərbaycanın beynəlxalq imicinə müsbət təsir edəcəyini bildirib. O, A.Bayramlının barəsində bəraət hökmünün çıxarılmasını məhkəmədən xahiş edib.
Dövlət ittihamçısı Ceyhun Budaqov isə birinci instansiya məhkəməsinin qərarının qüvvədə saxlanılmasını istədiyini bildirib.
Müşavirədən sonra hakim apellyasiya şikayətinin qismən təmin edilməsi, A. Bayramlının barəsində çıxarılmış ikiillik həbs müddətinin bir ilə endirilməsi ilə bağlı qərar çıxarıb.
Xatırladaq ki, Anar Bayramlı fevralın 17-də saxlanılıb və onun üzərindən 0, 0387 qram heroin tapıldığı bildirilib. Jurnalistə qarşı Cinayət Məcəlləsinin (CM) 234.1-ci maddəsi (qanunsuz olaraq narkotik vasitələri, psixotrop maddələri və ya prekursorları hazırlama, istehsal etmə, əldə etmə, saxlama, daşıma, göndərmə və ya satma) ilə ittiham irəli sürülüb. Binəqədi Rayon Məhkəməsi isə onun barəsində ikiillik həbs qərarı çıxarıb. —16/06C-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz