18-19 sentyabrda Bakıda I Beynəlxalq Otel Biznesi konfransı keçiriləcək. Anonsa görə, tədbir MDB ölkələri və Gürcüstanın spesifik layihələrinə investisiyalar üçün keçirilir.
HVS Beynəlxalq Otel Konsaltinq şirkətinin saytı (http://www.hvs.com/Events və http://www.iconhvs.com) məlumat verir ki, Azərbaycanı tədbirdə Randolf Dekker («Pasha Group»un baş meneceri) və Frank Bauer («Çıraq plaza» oteli və biznes mərkəzinin baş direktoru) təmsil edəcək.
Bundan başqa, tədbirdə «Azimut» otellər qrupunun investisiya və inkişaf departamentinin direktoru Aleks Slesar, "CEO Kempinski Hotels & Resorts" prezidentinin müşaviri Canni van Daalen, "Cushman & Wakefield"in şöbə müdiri Devid Cenkins iştirak edəcək. Vacib məruzəçilər sırasında "HVS Global Hospitality Services Moscow"dan Tatyana Veller, Qazaxıstandan Rəşidə Şaykenova da var. Konfransın əsas məqsədi MDB ölkələri və Azərbaycanda investisiya mühitinin inkişafıdır.
HVS otel sənayesi, restoranlar, taymşer, kazino və əyləncələr üzrə ən yaxşı konsaltinq şirkətidir. Təşkilat 1980-ci ildə yaradılıb. Hər il 2 minə yaxın layihəsi olur.
Şirkətin 30 ofisdən ibarət beynəlxalq şəbəkəsində 400 ixtisaslı peşəkar çalışır. Azərbaycanda otel biznesi təşəkkül dövrünü yaşayır. Ölkədə 34 min mehmanxana yeri var. Onların çoxu Bakıdadır. --17D—
İqtisadiyyat
-
Azərbaycan Prezidenti İlham Əliyev dekabrın 10-da Şahdəniz qaz-kondensat yatağının 2-ci mərhələsinin və Cənub Qaz Dəhlizi (CQD) layihələrinin idarə olunması ilə bağlı 2014-cü il tarixli prezident sərəncamını dəyişdirən yeni bir sərəncam imzalayıb. Bu dəyişiklik Azərbaycan Respublikası Dövlət Neft Şirkətinə (SOCAR) maliyyə konsolidasiyasını təmin etmək üçün geniş səlahiyyətlər verir.
-
2024-cü ilin yanvar-noyabr dövründə Azərbaycanın neft və qazla əlaqəli olmayan ixracı 2023-cü ilin eyni dövrü ilə müqayisədə 1,9% artaraq 3,1 milyard ABŞ dolları dəyərində olub. Bu artım İqtisadi İslahatların Təhlili və Kommunikasiyası Mərkəzi tərəfindən dərc edilmiş son "İxrac İcmalı"nda qeyd olunub və ölkənin müxtəlifləşən və genişlənən ixrac portfelini əks etdirir.
-
Nağdsız ödənişlərin təşviqinə doğru əhəmiyyətli bir addım ataraq, Azərbaycan “ƏDV Geri Al” adlı innovativ proqramını əmlak alqı-satqısını da əhatə edəcək şəkildə genişləndirib. 2024-cü ilin yanvar-noyabr ayları ərzində vətəndaşlar bu proqram çərçivəsində 160,3 milyon manat məbləğində vəsaiti geri alıblar ki, bu da hökumətin rəqəmsal ödənişləri inkişaf etdirmək və istehlakçı üstünlüklərini artırmaq səylərinin əhəmiyyətli bir göstəricisidir.
-
Azərbaycanda bazarlarda işləyən sahibkarlardan vergi uçotunda olmaları tələb ediləcək. Əks təqdirdə, hər bir uçotsuz sahibkar üçün bazar mülkiyyətçilərinə və ya idarəçilərinə 2 min manat maliyyə sanksiyası tətbiq ediləcək. Bu, Milli Məclisin müzakirəsinə çıxarılacaq Vergi Məcəlləsinə dəyişiklik layihəsində əksini tapıb.
Rəy yaz