![İranın xüsusi xidmət orqanları azərbaycanlı ədəbiyyatçını həbs ediblər](https://turan.az/resized/media/2013/main/050100034729-750-500-resize.webp)
İranın xüsusi xidmət orqanları azərbaycanlı ədəbiyyatçını həbs ediblər
Azərbaycan Milli Elmlər Akademiyasının (AMEA) Nizami adına Ədəbiyyat İnstitutunun elmi işçisi, yazar Xalidə Xalid İranın Təbriz şəhərində həbs edilib. Bu barədə Turan-a Ədəbiyyat İnstitutunun direktor müavini Məhərrəm Qasımlı bildirib.
Onun sözlərinə görə, Xalidə Xalid aprelin 26-da ezamiyyət verilmədən və rəhbərliyə heç bir məlumat vermədən öz təşəbbüsü ilə İrana gedib.
O, həmçinin bildirib ki, Xalidə Xalid Ədəbiyyat İnstitutunun Xarici ölkələr ədəbiyyatı və xarici ədəbi əlaqələr şöbəsinin kiçik elmi işçisidir və heç bir elmi dərəcəsi yoxdur. O, əslən Lənkəranlıdır və əvvəllər Lənkəran Dödvlət Universitetində çalışıb.
İranın Oyannews.com saytının məlumatına görə, Xalidə Xalid aprelin 30-da İranın xüsusi xidmət İdarəsinin (ETTELAAT) əməkdaşları tərəfindən Cənubi Azərbaycan azadlıq hərəkatının 4 fəalı ilə birgə həbs edilib.
Xalidə Xalid azərbaycanlı fəal Məhəmməd (Oxtay) Rəşidinin anasının doğum günü və İranda Analar Günü münasibətilə onun ata evinə getmişdi.
Qasımlı Xalidin hər-hansı hüquqazidd əməl törədə biləcəyindən şübhə edir. “Bu məsələ aydınlaşdırılacaq. O, institutda adi bir elmi işçi idi”, deyə Qasımlı bildirib.
İranın Azərbaycandakı səfirliyindən bildiriblər ki, bu məsələ ilə bağlı məlumatları yoxdur. Azərbaycan XİN-dən bildiriblər ki, baş konsulluğa Azərbaycan vətəndaşının taleyini aydınlaşdırmaq tapşırılıb.
İranda əvvəllər də Azərbaycan vətəndaşları həbs edilib. Ötən il gənc şairlər Fərid Hüseyn və Şəhriyar Hacızadə 4 ay İran həbsxanasında saxlanılıb.
Bundan əvvəl fizik-alim Rəşid Əliyev İran həbsxanasında 20 ay keçirib. -16D-
-
- Siyasət
- 1 May 2013 18:54
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz