![İranla sərhəddə 1 kiloqramdan çox heroin götürülüb](https://turan.az/resized/media/2017/main/042400000687-750-500-resize.webp)
İranla sərhəddə 1 kiloqramdan çox heroin götürülüb
Bakı/24.04.17/Turan: İrandan Azərbaycana Biləsuvar rayonunun ərazisindəki dövlət sərhədindən narkotik vasitələri keçirərək hadisə yerindən uzaqlaşmağa cəhd göstərən Yevlax rayon sakinləri Müşfiq Niyazquliyev və Ramin Cəfərov saxlanılıb. Xəbəri Dövlət Sərhəd Xidməti yayıb.
Məlumatda deyilir ki, həmin şəxslərdən 1 kq 250 qram heroin və 950 qram marixuana götürülüb. Təqib zamanı sərhədçilərə müqavimət göstərən Ramin Cəfərov özünə bıçaqla ağır bədən xəsarəti yetirib.
Dövlət Sərhəd Xidməti bildirir ki, Ramin Cəfərova ilkin tibbi yardım göstərilib, həyatına heç bir təhlükə yoxdur.
Faktla bağlı əməliyyat-istintaq tədbirləri davam etdirilir. -0-
-
- Cəmiyyət
- 24 Aprel 2017 10:59
-
- İqtisadiyyat
- 24 Aprel 2017 11:05
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz