“İraq-Şam İslam Dövləti” (İŞİD) və başqa qruplaşmalara qoşulmaqda, onların tərkibində döyüşlərdə iştirakda suçlanan daha 7 azərbaycanlının mühakiməsi başa çatıb.
“Azadlıq Radiosu”nun məlumatına görə, noyabrın 16-da Bakı Ağır Cinayətlər Məhkəməsində bu şəxslərə hökm oxunub. Hökmə əsasən, onlara ümumilikdə 74 il 6 ay cəza verilib – təqsirləndirilən şəxslərdən Elbrus Əzizov və İlahi Əzizovun hər biri 14 il, Babək Şirinov 13 il 6 ay, Rasim Bədəlov 12 il, Namiq Quliyev 11 il 6 ay, Elman Mirzəbəyov 7 il, Əfqan Şamxalov isə 2 il 6 ay azadlıqdan məhrum edilib.
Adları çəkilən təqsirləndirilənləri 2015-ci ildə o vaxtkı Milli Təhlükəsizlik Nazirliyinin (hazırda Dövlət Təhlükəsizliyi Xidməti) əməkdaşları həbs eləyib. Onlar 2013-2015-ci illər ərzində Suriya və İraq ərazisində müxtəlif silahlı birləşmələrə qoşulmaqda, o cümlədən İŞİD, “Cəbhətül-Nüsra” və “Cundu Şam” kimi qruplaşmaların fəaliyyətində iştirakda suçlanırlar. Elman Mirzəbəyov isə onları sərhəddən qanunsuz keçirməkdə günahlandırılır.
Amma təqsirləndirilənlər ittihamı rədd edirlər. Məhkəmədə də bildiriblər ki, ittihamda yazılanlar yalandır, heç bir qruplaşmanın tərkibində döyüşməyiblər, təlimlərə qatılmayıblar. Cinayət işinin materiallarındakı ifadələrinə gəlincə, bunu istintaq zamanı təzyiqə məruz qalmaları ilə izah ediblər.
Bu işdə şahid kimi adı keçənlərin bir qismi də daha öncə eyni ittihamla mühakimə olunmuş və hazırda da cəza çəkən şəxslər idi. Onlardan Kamran Əzizov, Malik Musayev şahid kimi ifadə vermək üçün bu iş üzrə məhkəməyə gətirilsələr də, danışmaqdan imtina etdilər. Hakim onlara şahid kimi ifadə verməyə borclu olduqları, əks halda, barələrində ifadə verməkdən imtinaya görə cinayət işi başlana biləcəyi haqda xəbərdarlıq elədi, amma onlar fikirlərindən dönmədilər.
Bakı Ağır Cinayətlər Məhkəməsinin hökmü ilə bir müddət əvvəl Kamran Əzizov 14 il 6 ay, Malik Musayev isə 13 il 6 ay həbs cəzası alıb. -03D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz