Bakı/20.09.17/Turan: Polisin Bakıda Azərbaycan İslam Partiyasının (AİP) 25 illik yubiley tədbiri keçirməsinə imkan vermədiyi bildirilir.
Bu haqda İslam Partiyasının məlumatında yazılır.
Məlumatda vurğulanır ki, yubiley tədbirinin Bakıdakı "Kəmalə Nərmin" şadlıq sarayında keçirilməsi planlaşdırılıb.
"Tədbirin başlaması ərəfəsində əraziyə polis qüvvələri gətirilib. Onlar restoranın qapısını bağlayaraq, qonaqların içəri daxil olmasına imkan verməyiblər. Bununla yanaşı partiya funksionerləri, qonaqlar ərazidən zor tətbiq edilməklə uzaqlaşdırılıb", partiyanın məlumatında yazılır.
Yayılan açıqlamaya görə, polis rəsmiləri AİP funksinerlərinə bildirib ki, restoranın su sisteminə zəhərli maddə qatılması haqda hüquq mühafizə orqanlarına məlumat daxil olub.
Yubileyə gələnlərin ərazidən zorla uzaqlaşdırılması zamanı çəkiliş aparan şəxslərə dəfiziki basqıların edildiyi bildirilir.
AİP bəyan edib ki,bu ölkədə "İslam Həmrəyliyi ili" elan olnması ilə bir araya sığmır.
Axşam saatlarında AİP rəhbərliyi baş verənlərlə əlaqədar mətbuat konfransı keçirib.
AİP-in sədr əvəzi Hacı İlham Əliyev yubiley tədbirinin keçirilməsinə imkan verilməməsinə təəssüfləndiyini bildirib.
" Şadlıq evinin su sistemində zəhərli maddə aşkarlandığını bəhanə gətirdilər. Bu səbəbdən də tədbirin keçirilməsinə icazə verə bilməyəcəklərini bildirdilər. Ancaq hamımızın gördüyü kimi tədbirin keçiriləcəyi ərazidə qonaqlardan daha çox polis orqanlarının əməkdaşları var idi...", o, deyib.
Hacı İlham Əliyev əlavə edib ki, bəzi məmurlar ölkə daxilində ixtişaş yaratmağın tərəfdarıdırlar.
AİP-in açıqlamasına, hələlik, Daxili İşlər Nazirliyindən münasibət almaq mümkün olmayıb.
AİP sədri Mövsüm Səmədov hazırda həbsdədir. O, 2011-ci ildə bir neçə tərəfdarı ilə qanunsuz silah saxlamaq, hakimiyyətin ələ keçirilməsi və başqa ittihamlarla saxlanıb.
M.Səmədov12 il həbs cəzası alıb. Avropa İnsan Hüquqları Məhkəməsi onun işi üzrə kommunikasiyaya başlayıb.
Mövsüm Səmədov Azərbaycan hakimiyyətini korrupsiya və dindarların hüquqlarının pozulmasına görə kəskin tənqid edirdi. 2016-cı ilin avqustunda o, konstitusiyaya dəyişikliklərə etiraz olaraq, Qobustan Qapalı Həbsxanasında aclıq aksiyası keçirmişdi.-0-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz