XİN: Ümumrusiya Azərbaycanlıları Konqresinin ləğvi Azərbaycana qarşı qeyri-dost addımdır
Bakı/19.09.17/Turan: Ümumrusiya Azərbaycanlıları Konqresinin (ÜAK) ləğvi barədə qərar Azərbaycana qarşı atılan qeyri-dost addımdır. Bunu Azərbaycan XİN-in rəsmi nümayəndəsi Hikmət Hacıyev ÜAK-ın ləğvi barədə birinci instansiya məhkəməsinin qərarının Rusiya Ali Məhkəməsinin Apellyasiya Kollegiyası tərəfindən qüvvədə saxlanmasını şərh edərkən bildirib.
"Ümumiyyətlə, Azərbaycan ilə Rusiya arasında humanitar əlaqələrin inkişafında mühüm rol oynayan Ümumrusiya Azərbaycanlıları Konqresinin ləğvi barədə qərarı siyasi baxımdan qeyri-dost addım kimi qiymətləndiririk. Bu, Rusiya və Azərbaycan tərəfindən bəyan olunan və iki ölkə arasında strateji tərəfdaşlıq zəminində inkişaf edən yüksək səviyyəli əlaqələrə ciddi zərbə vurur", - H.Hacıyev AzərTAC Dövlət İnformasiya Agentliyinə bildirib.
Rusiya Federasiyasının ÜAK-ın ləğvi barədə qeyri-dost xarakterli qərarının məqsədini başa düşmək çox çətindir. Xüsusilə o halı nəzərə almalıyıq ki, Rusiya ATƏT-in Minsk Qrupunun həmsədr ölkələrindən biridir və bu status tərəflərə münasibətdə tarazlı yanaşmanın nümayiş etdirilməsini tələb edir.
"Ümumrusiya Azərbaycanlıları Konqresinin ləğvi ilə Rusiyada yaşayan Azərbaycan icması nümayəndələrinə münasibətdə qeyri-ədalətli yanaşma tətbiq olunduğu halda, Rusiya Erməniləri İttifaqına tam dəstək göstərilir və bu qurum fəaliyyətini davam etdirir", - H.Hacıyev vurğulayıb.
"Hər bir halda Rusiya Federasiyasının Ümumrusiya Azərbaycanlıları Konqresini ləğv etmək siyasəti təəccüb, ciddi sual və dərin təəssüf doğurur", - H.Hacıyev qeyd edib.-06D--
Siyasət
-
Kreml nüvə təlimlərinin keçirilməsi barədə elan etdikdən sonra bazar ertəsi ABŞ Rusiyanın "məsuliyyətsiz ritorikasını" pisləyib. Eyni zamanda, ABŞ Rusiyanın strateji mövqeyində heç bir dəyişiklik görmür.
-
Turanın Vaşinqton müxbiri xəbər verir ki, bazar ertəsi ABŞ Vladimir Putinin andiçmə mərasimində iştirak etmədiyini açıqlayıb.
-
Azərbaycan Beynəlxalq Bankının (ABB) keçmiş sədri Cahangir Hacıyev mayın 1-dən etibarən 13 saylı cəzaçəkmə müəssisəsində aclığı davam etdirir.
-
Bazar ertəsi Azərbaycan baş nazirinin müavini Şahin Mustafayevin aparatı bildirib ki, sərhəddə koordinatların dəqiqləşdirilməsi işləri çərçivəsində aparılan geodeziya ölçmələri əsasında mayın 6-dək 40 sərhəd dirəyi quraşdırılıb.
Rəy yaz