Bakı/19.09.17/Turan: AŞPA Monitorinq Komitəsinin həmməruzəçiləri Ştefan Şennak (Avstriya) və Sezar Florin Preda (Rumıniya) 14-16 sentyabr Bakı səfərinin yekunlarına dair bəyanat yayıblar.
Bəyanatda qeyd olunur ki, həmməruzəçilər Assambleyanın Monitorinq Komitəsinin qəbul etdiyi 7 sentyabr 2017-ci il tarixli qətnamə layihəsinin müddəalarına uyğun olaraq (http://www.contact.az/ext/news/2017/9/free/politics%20news/ru/65397.htm) Azərbaycanda məhkəmə sisteminin müstəqilliyi, cəzaçəkmə yerlərində saxlanma şəraiti, birləşmə azadlığı, əsasən QHT-lər haqqında qanunvericilik məsələlərilə bağlı müzakirələr aparıblar.
Danışıqlar KİV azadlığı və Avropa İnsan Hüquqları Məhkəməsinin qərarlarının tam icrasını, o cümlədən müxalifətçi lider İlqar Məmmədovun barəsində qərarı da əhatə edib.
"Bundan öncə biz penitensiar sistemin işinin təkmilləşdirilməsi və cinayət siyasətinin humanistləşdirilməsi ilə bağlı ölkə prezidentinin fərmanını alqışladıq. Vacibdir ki, bu qayda tez və tam şəkildə həyata keçirilsin. Odur ki, biz hakimiyyətlə onun həyata keçirilməsi üçün zəruri olan addımları müzakirə etdik", - həmməruzəçilər bildiriblər.
"Biz səfərimiz zamanı Faiq Əmirlinin azadlığa buraxılmasını alqışlayırıq. Ümid edirik ki, yaxın günlərdə də həbsdən buraxılmalar olacaq və heç bir həbs olmayacaq .Çünki bu, Əmirlinin azadlığa buraxılması ilə yaranan müsbət siqnalı poza bilər", - bəyanatda vurğulanır.
Həmməruzəçilər Azərbaycan parlamentindəki həmkarlarını QHT haqqında qanunvericiliyə düzəlişlər etməyə, onların Avropa standartlarına uyğun fəaliyyət göstərməsini və maliyyələşdirilməsini təmin etməyə çağırıblar.
Həmməruzəçilər Turan İnformasiya Agentliyinin ofisinə baş çəkiblər, heç yana çıxmamaq iltizamı ilə azadlığa buraxılmış direktor Mehman Əliyevlə görüşüblər.
Onlar Azərbaycan hakimiyyətini M.Əliyevə qarşı bütün ittihamların götürülməsinə və Turan agentliyinə qarşı məhdudlaşdırıcı tədbirlərə son qoyulmasına çağırıblar.
"Biz açıq diskussiyalara və dialoqun davam etdirilməsinə görə Azərbaycan hakimiyyətinə təşəkkür etmək istərdik", - onlar bildiriblər.
Həmməruzəçilər Bakıda ölkə prezidenti, dövlət başçısının administrasiyasının rəhbəri, ədliyyə nazirinin müavini ilə görüşüblər.
Parlamentdə spiker və AŞPA-da Azərbaycan nümayəndə heyətilə görüşlər keçirilib.
Şennak və Preda vətəndaş cəmiyyətinin nümayəndələri, jurnalistlər, vəkillər, həbsdə olan şəxslərin ailələri ilə görüşüblər.
Onlar cəzaçəkmə yerlərində jurnalist Əziz Orucov, müxalifətçi Fuad Qəhrəmanlı və bloger Mehman Hüseynova baş çəkiblər, həmçinin Qobustan həbsxanasında olublar.
Azərbaycanda demokratik institutların fəaliyyəti barədə debatlar 2017-ci il oktyabrın 11-də Strasburqda AŞPA-nın payız sessiyasının plenar iclasında Monitorinq Komitəsinin 7 sentyabr tarixli hesabatının əsasında keçiriləcək. -06D--
Siyasət
-
İran İslam İnqilabı Keşikçiləri Korpusu (SEPAH) bildirib ki, onun Quru Qoşunları İranın şimal-qərbində Azərbaycan Respublikası Ordusu ilə birgə hərbi təlimə başlayıb.
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
Rəy yaz