![İslamçı Abgül Süleymanov Qobustana göndərilir](https://turan.az/resized/media/2013/main/042600036053-750-500-resize.webp)
İslamçı Abgül Süleymanov Qobustana göndərilir
Qaradağ Rayon Məhkəməsinin hakimi Fuad Həsənov ilahiyyatçı Abgül Süleymanovun cəzasının növbəti 6 ayının Qobustan qapalı həbsxanasında çəkməsi barədə qərar qəbul edib. A. Süleymanov 20 gün ərzində Qobustan qapalı həbsxanasına göndəriləcək.
Bu barədə Turan-a məlumat verən vəkil Cavad Cavadlının sözlərinə görə, məhkəmə qərarına aprelin 24-də 13 saylı cəzaçəkmə müəssisəsində həmin müəssisənin rəhbərinin təqdimatı əsasında baxılıb. Müəssisə rəhbərliyi bu təqdimatı belə əsaslandırıb ki, ilahiyyatçı intizam qaydalarını pozur, təcridxananın yeməklərini bəyənmir, məhbuslar arasında dini təbliğat aparır.
Bununla razılaşmayan vəkil Cavadlı deyib ki, A.Süleymanov fevral ayından bu cəzaçəkmə müəssisəsinə gətirilib. Bundan sonra karserdə (cərimə təcridxanası) saxlanılıb. A. Süleymanov Qobustana köçürülməsi ilə razılaşmayaraq bildirib ki,cəzaçəkmə müəssisəsində heç bir dini təbliğat aparmayıb. Bununla belə ona qəzet oxumağa imkan yaradılmayıb.
Aprelin 25-də A.Süleymanovla görüşən vəkil C.Cavadlı Qaradağ Rayon Məhkəməsinin qərarının ləğv edilməsi barədə apellyasiya şikayəti verəcəyini bildirib. Bununla belə, ilahiyyatçının Qobustana köçürülmə məsələsini şərh edərkən bunun siyasi sifarişli olduğunu bildirib.
Vəkil A.Süleymanovun Qobustana göndərilməsinin son zamanlar onun müxalifəti və ilahiyyatçı Taleh Bağırovun müdafiə etməsi ilə əlaqədar olacağını istisna etməyib.
Süleymanov Bakı Ağır Cinayətlər Məhkəməsinin 2012-ci ilin avqustunda çıxardığı hökmlə 11 il müddətinə azadlıqdan məhrum edilib. O 2011-ci ilin avqust ayında həbs olunub. Milli, irqi, sosial və ya dini nifrət və düşmənçiliyin salınması, ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə, narkotik və odlu silah saxlamaqda təqsirli bilinib.-16D-
-
- Siyasət
- 26 Aprel 2013 14:34
-
- İqtisadiyyat
- 26 Aprel 2013 14:59
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz