QHT Alyansı nə etmək istəyir?

QHT Əməkdaşlıq Alyansı QHT-lərə Dövlət Dəstəyı Şurasının maliyyə yardımı ilə “2013-cü il prezident seçkilərində beynəlxalq və yerli qurumların baxış bucaqlarının uyğunlaşdırılması” layihəsinə start verib. 

Layihə çərçivəsində beynəlxalq və yerli qurumların iştirakı ilə 2013-cü il seçkilərinə həsr edilən konfransın keçirilməsi nəzərdə tutulur. Alyans yerli və beynəlxalq qurumların fəaliyyətlərinin uzlaşdırılması üçün öhdəlik və əməkdaşlıq yollarını müəyyənləşdirməyi qeyd edir. Beynəlxalq qurumlara tərəfsiz və inhisarda olmayan QHT-lərlə əməkdaşlığı tövsiyyə etməsi gözlənilir. .  

Layihənin 3 ay davam etməsi gözlənilir. Bu dövrdə “Facebook” və “Twitter” sosial şəbəkələri vasitəsilə beynəlxalq qurumlarla əlaqələr qurulur, Azərbaycanın müsbət imicinin yaradılması üçün vaxtaşırı məlumatlar göndərilir. 

Ölkədə ədalətli və şəffaf seçkilərin keçirilməsi üçün yaradılan şərait haqda da məlumatların paylaşılması nəzərə alınır. Ingilis dilində hazırlanan məlumatların “Facebook”da artıq mövcud olan qruplar və səhifələrdə müntəzəm paylaşılması gözlənilir.

Açıqlama ilə bağlı Turan-a şərh verən Alyansın təmsilçilərindən Rufiz Qonaqov deyib ki, layihənin adı prezident seçkiləri ilə bağlı olsa da bütünlükdə yalnız seçki ilə çərçivələnmir. Burada həm də Azərbaycan QHT-lərinin beynəlxalq miqyasa çıxması məsələsi də var. Belə ki, Gürcüstan və Ermənistanın bir sıra QHT-ləri beynəlxalq formatda fəaliyyət göstərsələr də Azərbaycanda belə QHT nümunələri yoxdur. “Yerli və beynəlxalq qurumların baxış bucaqlarının uyğunlaşdırılması” ifadəsinə gəlincə,  R.Qonaqova görə, bu heç də prezident seçkilərinə eyni baxış bucağından baxmaq yox, yerli və beynəlxalq QHT-lərin daha geniş şəbəkəsini bu seçkilərdə müşahidələrə maraqlandırmaqdır. 

“Yerli və beynəlxalq  qurumlar üçün öhdəlik müəyyən olunması” ifadəsində R.Qonaqov “öhdəlik” sözünün yerində olmadığını, yalnız beynəlxalq qurumlarla əməkdaşlıq yollarının müəyyən olunmasının nəzərdə tutulduğunu qeyd edib.

“Beynəlxalq qurumların tərəfsiz və inhisarda olmayan QHT-lərlə əməkdaşlığı” ifadəsinə R.Qonaqov ad çəkmədən deyib ki, beynəlxalq qurumlar ölkə haqda rəyi 3-4 QHT-dən alır və bunun əsasında ölkə barəsində rəy formalaşdırır. Onun fikrincə, belə rəylər alınarkən beynəlxalq qururmlar Alyansın da rəyini öyrənməlidir.

Sırasında 53 QHT-n birləşdirən QHT Alyansı 2011-ci ildə yaradılıb, 2012-ci ildən aktiv fəaliyyətə keçib, əsasən hökumətyönlü olması ilə fərqlənir. -05D/B- 

 

    

 

 

Rəy yaz

Siyasət

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Bizi sosial şəbəkələrdə izləyin

Xəbər lenti