![Bəxtiyar Hacıyevin işi üzrə məhkəmə prosesində](https://turan.az/resized/news/2024/tGhHPUBGjrrKImkq6S4w7S2KsxE4mTqfsb7dnjYH-750-500-resize.webp)
Bəxtiyar Hacıyevin işi üzrə məhkəmə prosesində
Bəxtiyar Hacıyevin işi üzrə məhkəmə prosesində
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Onlardan biri deyib ki, bir dəfə Çexiyaya tur üçün viza almaqdan ötrü Hacıyevə müraciət edib və onunla başqa heç bir işi olmayıb. Şahid qeyd edib ki, şəxsən pul verməyib, xidmətə görə köçürmə edib.
Başqa şahid deyib ki, kurslarda dərs deyib və Hacıyevdən dərs otağı icarəyə götürüb.
Bir şahid isə deyib ki, ABŞ-da kurslarda təhsil almaq üçün Hacıyevin vasitəsilə viza alıb.
Proses zamanı Hacıyev ev dustaqlığına buraxılması üçün vəsatət qaldırsa da, məhkəmə vəsatəti təmin etməyib.
Hacıyevin ikinci vəsatəti məhkəməyə gəlməyən şahidlərlə bağlı olub. Hacıyev onların ifadələrini ilkin istintaqda açıqlamağı təklif edib. Məhkəmə vəsatəti təmin edib və növbəti iclası avqustun 2-nə təyin edib.
* Bəxtiyar Hacıyev 9 dekabr 2022-ci ildə jurnalist Ülviyyə Alovlunun şikayətilə saxlanılıb. Əvvəlcə Cinayət Məcəlləsinin 221 (xuliqanlıq) və 289-cu (məhkəməyə hörmətsizlik) maddələrilə ittiham olunub. 2023-cü ilin iyulunda ona qarşı Cinayət Məcəlləsinin 192 (qanunsuz sahibkarlıq), 193-1 (cinayət yolu ilə əldə edilmiş gəlirlərin leqallaşdırılması) və 206-cı ( qaçaqmalçılıq) maddələrlə ittiham irəli sürülüb.
7 noyabr 2023-cü ildə Cinayət Məcəlləsinin 213.1-ci (vergidən yayınma, işsizlik, icbari tibbi və sosial sığorta üzrə sığorta ödənişlərindən yayınma) maddəsilə ittiham irəli sürülüb.
Bəxtiyar Hacıyev bütün ittihamları rədd edir, hakimiyyəti tənqid etdiyinə görə təqib olunduğunu bildirir və repressiyalarda əli olan Azərbaycan məmurlarına qarşı beynəlxalq sanksiyalar tətbiq etməyə çağırır. Hüquq müdafiəçiləri onu siyasi məhbus kimi tanıyıblar.
-
- Siyasət
- 26 İyul 2024 17:34
Siyasət
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
Progress & Change Action Lab beynəlxalq qeyri-hökumət təşkilatının prezidenti Florian Irminger Birləşmiş Millətlər Təşkilatının İqlim Dəyişikliyi üzrə Çərçivə Konvensiyasının icra katibi Simon Stilə məktub göndərib. Məktubda deyilir:
-
Azərbaycan pasportu 2024-cü ilin birinci yarısı üçün Henley& Partners pasport indeksində 69-cü yerə yüksəlməklə nəzərəçarpacaq dərəcədə yaxşılaşıb. Pasport sahiblərinə təqdim olunan vizasız istiqamətlərin hesablanması yoluyla qlobal mobilliyi qiymətləndirən bu indeks beynəlxalq səyahətlər azadlığı sahəsində Azərbaycanın irəlilyişini önə çəkir.
-
Keçmiş diplomat Emin İbrahimov 3-cü gündür ki, Şüvəlan İstintaq Təcridxanasında aclıq edir. O, əsassız həbs olunmasına etiraz edir.
Rəy yaz