![Fazil Qasımov aclığın 43-cü günündə həbsxana hospitalına yerləşdirilib](https://turan.az/resized/news/2024/HzOxOABuC9nohBCLx600S3INtjcHyr36Tv2BzoXa-750-500-resize.webp)
Fazil Qasımov aclığın 43-cü günündə həbsxana hospitalına yerləşdirilib
Fazil Qasımov aclığın 43-cü günündə həbsxana hospitalına yerləşdirilib
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
“Fazili vəziyyəti çox ağırdır. Tam halsızdır, ayaq üstə dura bilmir. Buna baxmayaraq, aclığı sonadək davam etdirəcəyini bildirdi. Qardaşım ancaq su içir, qida və dərman qəbulundan imtina edir”, - Nazim Qasımov iyulun 26-da müalicə müəssisəsində qardaşı ilə görüşündən sonra bildirib.
Bundan əvvəl vəkil Rövşanə Rəhimova bildirib ki, Fazil Qasımovun işi üzrə ibtidai istintaq başa çatıb və müdafiə tərəfi iş materialları ilə tanış olur. Eyni zamanda, Qasımovun işi siyasətçi və iqtisadçı- alim Qubad İbadoğlunun işindən ayrı icraata ayrılıb.
* Fazil Qasımov 7 avqust 2023-cü ildə Türkiyədə saxlanılıb və Azərbaycana gətirilib. O, Cinayət Məcəlləsinin 204.3.1-ci (mütəşəkkil qrupun tərkibində saxta pulların hazırlanması, alınması və ya satışı) maddəsilə ittiham olunub.
İstintaq bildirir ki, o, saxta pulları sonradan həbs olunmuş müxalifətçi siyasətçi Qubad İbadoğluna verib.
Bu yaxınlarda Qasımov baş prokuror, ombudsman, yerli və beynəlxalq ictimaiyyətə müraciətində bildirib ki, bu ifadələri işgəncə altında verib. O, ifadələrdən imtina edərək İbadoğluna saxta pul vermədiyini, onunla heç vaxt FETO (Türkiyədə terror təşkilatı kimi tanınan Fətullah Gülən hərəkatı) mövzularında müzakirələr aparmadığını bildirib.
Fazil Qasımov əsassız cinayət təqibinə və istintaqın əvvəlində məruz qaldığı işgəncələrə etiraz olaraq iyunun 14-dən aclıq edir.
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
-
Progress & Change Action Lab beynəlxalq qeyri-hökumət təşkilatının prezidenti Florian Irminger Birləşmiş Millətlər Təşkilatının İqlim Dəyişikliyi üzrə Çərçivə Konvensiyasının icra katibi Simon Stilə məktub göndərib. Məktubda deyilir:
Rəy yaz