Bakı/22.07.17/Turan: 12-22 may tarixlərində ictimai asayişin və IV İslam Həmrəyliyi Oyunlarının təhlükəsizliyinin təmin edilməsi üçün güc qurumlarının 13 minə yaxın əməkdaşı cəlb olunacaq. Bu barədə aprelin 21-də oyunların təşkilat komitəsinin iclasında deyilib.
DİN başçısı Ramil Usubov bildirib ki, polis orqanlarından 252-si qadın olmaqla, 12 min əməkdaş cəlb olunacaq.
Yol hərəkətinin təhlükəsizliyini və yüksək səviyyəli nümayəndə heyətlərinin müşayiət olunmasını yol-patrul xidmətinin 1200 əməkdaşı, 400 xüsusi təyinatlı avtomobildən istifadə ilə həyata keçirəcək.
Yarış iştirakçılarının daşınmasına cəlb olunmuş nəqliyyat vasitələrini idarə edən şəxslərin seçilməsinə də xüsusi diqqət yetirilib.
Xüsusi Dövlət Mühafizə Xidmətinin (XDMX) rəisi Vaqif Axundov tədbirin mühafizəsi üçün 100-ü qadın olmaqla, 700 hərbiçi cəlb edildiyini bildirib. Oyunların kibertəhlükəsizliyinin təmin edilməsi məsələləri də XDMX-nin diqqət mərkəzindədir. Oyunların mühafizəsinə cəlb olunan bütün şəxslər hüquq-mühafizə orqanlarının ciddi yoxlamasından keçib. "Bu insanlar xüsusi yoxlamadan keçiblər. Təkcə XDMX 1560 nəfəri yoxlayıb. Onların 107 nəfəri barəsində xoşagəlməz məlumatlar əldə olunub və onlar tədbirlərdən uzaqlaşdırılıblar", deyə Axundov bildirib. -06D-
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz