Bakı/22.07.17/Turan: 12-22 may tarixlərində IV İslam Həmrəyliyi Oyunlarının keçiriləcəyi günlərdə Bakıda Azərbaycanın islam irsinə və milli mədəniyyətinə həsr olunmuş bir sıra tədbirlər təşkil ediləcək. Bu barədə aprelin 21-də oyunların təşkilat komitəsinin iclasında mədəniyyət və turizm naziri Əbülfəz Qarayev bildirib.
Xüsusən, Azərbaycan Milli İncəsənət Muzeyində "İslam irsi" sərgisi açılacaq; Azərbaycan Xalça Muzeyində "İlahi sənət: naxışlar, ilmələr" sərgisi; Azərbaycan Müstəqillik Muzeyində din tarixi haqqında sərgi; Muzey Mərkəzində "Azərbaycanın islam abidələri" fotosərgisi olacaq.
Oyunların keçiriləcəyi dövr ərzində muzeylərin iş rejimi uzadılacaq.
Bundan başqa, "Nizami" kino mərkəzində "Azərbaycanfilm" kino studiyasının istehsalı olan filmlər festivalı keçiriləcək. Festival çərçivəsində Azərbaycan tarixi, maddi və mənəvi mədəniyyəti haqqında bədii və sənədli filmlər nümayiş olunacaq.
Oyunlar ərəfəsində Bakıda bir neçə digər kütləvi mədəniyyət tədbirlərinin keçirilməsi də planlaşdırılır.
Qarayev həmçinin qeyd edib ki, mayın 4-dən 6-na qədər Bakıda 700-ə yaxın yüksək vəzifəli qonağın iştirakı ilə Ümumdünya Mədəniyyətlərarası Dialoq Forumu keçiriləcək. -06D-
Mədəniyyət
-
Azərbaycan kinosunun çoxdan gözlənilən anı nəhayət gəlib çatdı. Yerli rejissorlar öz yeni əsərlərini təqdim edərək, animasiya, dram və uşaqlıq xəyalları ilə dolu bir qarışığı böyük ekranlara gətirdilər. Nurlan Həsənlinin Erkən Hisslər, Hacı Səfərovun Tərsinə Kölgələr və Məsud Pənahinin animasiya filmi Nərqız maraqla gözlənilən tamaşaçılar tərəfindən həm alqışla, həm də tənqidlə qarşılandı.
-
Tarixdə baş verən hadisələr sadəcə bir rəqəm, tarixi yaddaş olaraq qalmır. Bu hadisələr mədəni yaddaşda da dərin izlər buraxır. Xüsusən sənətçilər hadisələri öz hiss etdikləri, anladıqları formada əsərlərinə köçürdürlər. 20 Yanvar da mədəni yaddaşa köçmüş hadisələrdən biridir. Müasir dövr yaradıcılığında nisbətən az işlənən mövzu olsa da heç vaxt öz aktuallığını itirmir. Bu tarixi yaddaş necə göstərilməlidir? İncəsənətdə necə öz əksini tapır?
-
Yanvarın 16-da nüfuzlu Gazelli Art House Elnarə Nəsirlinin irimiqyaslı “Meşənin Pıçıltısı – Səsin Sehri” adlı sərgisinin ikinci qapalı təqdimatına yenidən qapılarını açdı. Azərbaycanlı rəssamın bu sərgisi müxtəlif ölkələrin diplomatları, səfirlik nümayəndələri və xüsusi dəvətli qonaqlar tərəfindən böyük maraqla qarşılandı. Tədbir sərginin mədəniyyətlərarası və ekoloji əhəmiyyətini bir daha vurğuladı.
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
Rəy yaz