![İslamiadanın ucuz qızılı](https://turan.az/resized/./turan-750-500-resize.webp)
Bakı/15.05.17/Turan: IV İslam Oyunlarının ilk iki gününün yekunlarına görə, belə qənaətə gəlmək olar ki, turnir ev sahibləri üçün bahalı turnirlərdən biri olacaq.
Buna səbəb Azərbaycanı təmsil edən idmançıların əsassız olaraq yüksək mükafatlandırılmasıdır.
Mayın 14-nə olan vəziyyətə görə, artıq Azərbaycan öz idmançılarına və onların məşqçilərinə 8 mln. 115 min manat ödəməlidir.
Belə ki, hakimiyyət hər qızıl medala görə 100 min manat, qalibin şəxsi məşqçisinə isə 50 min manat vəd edib.
Bundan əlavə, Milli Olimpiya Komitəsi (MOK) oyunların qalibinə 50 min manat, onun məşqçisinə 25 min manat mükafat müəyyən edib.
Gümüş mükafatçı 50 min manat, məşqçi 25 min manat (MOK-dan müvafiq olaraq 30 min və 15 min manat) alacaq.
Üçüncü yerin sahibi 30 min manat, məşqçi 15 min manat (MOK-dan müvafiq olaraq 20 min və 10 min manat) alacaq.
İslamiadanın iki günündə azərbaycanlı idmançılar ümumilikdə 50 medal qazanıblar - 24 qızıl, 17 gümüş və 9 bürünc.
Dünya miqyasına görə bu cür aşağı reytinqli turnir üçün belə yüksək mükafatların verilməsinin səbəbləri aydın deyil. İştirakçılar arasında yüksək dünya reytinqinə malik idmançıları barmaqla saymaq olar.
İstənilən turnirin reytinqi müxtəlif idman növləri üzrə müəyyən edilmiş rekordlarla ölçülür. Ancaq heç kim İslamiadada nəinki dünya və ya Avropa rekordu, heç Afrika və ya Asiya rekordu da gözləmir.
Hətta 2015-ci ildə Bakıda keçirilən Avropa Oyunlarının reytinqi indiki İslamiadadan yüksək idi. Belə ki, orada Olimpiadaya lisenziya qazanmaq mümkün idi.-71D-
-
- Cəmiyyət
- 15 May 2017 13:00
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz