Yanvarın 9-da Şəki məhkəməsində İsmayıllı hadisələri üzrə prosesdə ittiham tərəfin şahidləri ifadə verib.
Maraqlıdır ki, polis əməkdaşı Rauf Kərimov iclasda fasilədən əvvəl təqsirləndirilənlərin heç birini tanımadığını deyib, baxmayaraq ki, ibtidai istintaq zamanı o, konkret adlar çəkib.
Fasilədən sonra prokuror şahiddən fərqli ifadələr verməsinin səbəbini soruşub. Bundan sonra Kərimov ibtidai istintaqa verdiyi ifadələri təkrar edərək, təqsirləndirilən şəxslərin otelləri və maşınları yandırdığını, polislərə daş atdğını iddia edib.
Təqsirləndirilən şəxslər bunu prokurorun şahidə təzyiqi kimi qiymətləndiriblər və prosesdə iştirakdan imtina etdiklərini bildiriblər. Şahidin adını ən çox çəkdiyi Səxavət Məmmədov xatırladıb ki, etiraz əlaməti olaraq intihar edəcəyini bildirib. Təqsirləndirilən şəxslər sakitləşdikdən sonra iclas davam edib.
Zərərçəkmiş-şahid Rəşad Əhmədov ibtidai istintaqa verdiyi ifadələri təsdiq edib. Bu zaman o iddia edib ki, ReAl hərəkatının rəhbəri İlqar Məmmədov və Müsavat Partiyasının sədr müavini Tofiq Yaqublu vətəndaşları iğtişaşlara təhrik edərək, hakimiyyəti devirməyə çağırış ediblər. Bu zaman Əhmədov titrəyib və özünə gəlməsi üçün ona su gətiriblər.
Məmmədov və Yaqublu şahidin yalan ifadələrinə etiraz ediblər.
Prokuror şahidi müdafiə edib və onun vəziyyətini həyəcanla izah edib.
Növbəti məhkəmə iclası yanvarın 13-də keçiriləcək. -06D-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz