İstanbulda terror qurbanlarının sayı 43 nəfərə çatıb

İstanbul aeroportunda baş vermiş terror aktında ölənlərin sayı 43 nəfərə çatıb. Onların 39-nun şəxsiyyəti məlumdur. Bu barədə Naber 7 telekanalı İstanbul məhkəmə tibbi-ekspertiza bürosuna istinadən bildirib.

Bundan öncə rəsmən 36 nəfərin həlak olduğu, 147 nəfərin yaralandığı bildirilmişdi. Telekanalın məlumatına görə, həlak olanlar arasında 8 əcnəbi, o cümlədən bir nəfər Özbəkistan və 1 nəfər Ukrayna vətəndaşı var. Beş nəfərin ikili vətəndaşlığı olub (birinin Türkiyə və Çin, digər  dördünün Türkiyə və Səudiyyə Ərəbistanı). Dörd nəfərin şəxsiyyəti hələlik müəyyən edilməyib.

Hücumda  üç terrorçunun iştirak etdiyi məlumdur. Onlardan biri  avtomat silahdan ətrafdakı insanlara atəş açıb, sonra özünü partladıb. İkinci terrorçunu yaralamaq mümkün olsa da o, partlayış törədə bilib. Üçünçü terrorçu haqda bilgi verilmir.

KİV-in məlumatına görə, terrorçular əcnəbilər ola bilər.02D-