“Baltika Bakı” pivə şirkətinin istehsalı müvəqqəti dayandırmasının səbəbləri sırasında əhalinin alıcılıq qabiliyyətinin azalmasına görə satışın da azalması ilə yanaşı qanunvericiliyə dəyişikliyin edilməsi də var. Bu barədə “Baltika-Bakı” MMC-nin korporativ münasibətlər üzrə meneceri Nadejda Ovsyannikova istehsalın dayandırılmasının səbəblərini Turan-a şərh edərkən bildirib.
Belə ki, mayın 16-dan suyun tarifinə dəyişiklik edilməsi və həm xammal kimi istifadə edilən, həm də texniki suya vahid tarifin müəyyən edilməsi şirkətin biznesinə mənfi təsir göstərib.
Sudan xammal kimi istifadə edən istifadəçilər üçün bir kubmetr suyun dəyəri 12 manatdan 8 manata endirilib. Ancaq bir kubmetr texniki suyun qiyməti 1 manatdan 8 manata qaldırılıb.
Pivə istehsalında sudan həm xammal kimi,həm də yuyub təmizləmə, pasterizasiya üçün texniki sudan istifadə olunur.
N.Ovsyannikovanın sözlərinə görə, 1 litr pivə üçün 4,5-5 litr texniki su işlənir. Odur ki, suyun tarifinin unifikasiyası 2016-cı ildə şirkətin istehsal xərclərini 500000 manat artırıb.
Bundan əlavə, sentyabrın 1-dən aksiz mallarının nağd hesablaşma ilə dövriyyəsinin qadağan edilməsi haqda qanunun qüvvəyə minməsilə pivə alışının azalacağı proqnozlaşdırılır.
Bu düzəlişlər pivə satışı halqasının (istehsalçılardan tutmuş distribyutorlar vasitəsilə son satış nöqtələrinə qədər) nağdsız haqq-hesabla həyata keçirilməsini tələb edir.
Lakin kiçik obyektlərin çoxunun post-terminalı, bank hesabları və s.yoxdur. Odur ki, onlar pivə almayacaqlar.
Digər tərəfdən, bir çox ticarət obyektləri çətin ki öz kommersiya risklərini artıraraq pivəni öncədən ödəniş etməklə alsın.
“Baltika Bakı” 10 mindən çox nöqtədə satılır və bunların xeyli hissəsi kiçik ticarət obyektləridir.
Azərbaycanda pivə bazarının 75%-dən çox hissəsinə malik olan “Baltika-Bakı” 2016-cı il avqustun 15-dən istehsalın iki ay müddətinə dayandırılması və əməkdaşların boşdayanma rejiminə keçirilməsi haqqında qərar qəbul edib.
Öz növbəsində “Azərsu” ASC-dən Turan-a bildiriblər ki, mayın 16-dan istehsalçılar üçün suyun tarifi 1 kubmetr suya görə 12 manatdan 8 manata endirilib. Eyni zamanda çirkab sularına görə tarif 0,30 manatdan 1 manata qaldırılıb.
Şirkətdən bunu sudan istifadə edən istehsalçıların təkrar və dövri su təchizarı sisteminə keçməsinin stimullaşdırılması ilə izah ediblər.—06В--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz