Dünya Bankının Maliyyə dəstəyi ilə Ələt-Astara yolunu inşa edən İtaliyanın Todini şirkəti Azərbaycanı tərk etməyə hazırlaşır. Bu barədə Demokratiyaya Yardım İctimai Birliyinin sədri Emil Məmmədov Turan-a bildirib.
Onun sözlərinə görə, Todininin rəsmisi bildirib ki, şirkət sentyabr ayına kimi Azərbaycandan çıxacaq. Ona görə də işlər tamamilə dayandırılıb.
Todini rəsmisi şirkətin Azərbaycandan köçməsini sifarişçi AzərYolservis ASC ilə aralarında yaranmış problemlərlə izah edib.
Belə ki, iş prosesində sifarişçi tikilən körpülərin yükgötürmə gücünü artırmaq üçün layihədə nəzərdə tutulmayan əlavə işlər gördürüb. Amma sonradan həmin işlərə sərf olunmuş vəsait Todiniyə ödənilməyib.
Hüquq müdafiəçisi Emil Məmmədov Todini şirkətinin ölkəni tərk etməsinin başqa səbəbləri olduğunu deyib.
Onun sözlərinə görə, Todininin bitumun Azərbaycandakı monopoliyasından təngə gələn rəhbərliyi Rusiyadan bitum gətirmək üçün müqavilə bağlayıb. Bu yuxarılarda qəzəblə qarşılanıb. “Bu işlərdən isə xeyli vəsait mənimsəmək mümkün olduğundan Todini sıxışdırılaraq çıxarılıb. Digər bir səbəb isə odur ki, Almaniyanın Kocks Gmbh şirkəti tərəfindən düzgün layihələndirmə aparılmadığından Salyanın Xurşud kəndindən, keçmiş Qobudan keçən ərazidə yol 40-50 sm çöküb”, - deyə E.Məmmədov bildirib.
Bununla belə, hüquq müdafiəçisi İtaliyanın Todini şirkətinin Salyan rayonunun Çuxanlı kəndində yerləşən düşərgəsində sürücülərlə görüşüb. E.Məmmədov bildirib ki, sürücülər iş yerlərini ötən ayın 20-dən itiriblər.
“Salyandakı kütləvi işsizlik fonunda güclə iş yeri tapmış sürücülər çox bədbin idilər. Dediklərinə görə, səbirsizliklə yeni şirkətin yolunu gözləyirlər ki, bəlkə işə düzələrlər”, - deyə E.Məmmədov əlavə edib.
Lakin hüquq müdafiəçisi bunun elə də asan olmayacağını qeyd edərək, yeni şirkətin işə başlaması üçün tender elan olunacağını bildirib. Tenderdə qalib gəlmiş şirkətin işə başlaması isə gələn ilin may ayından tez olmayacaq.
Qeyd edək ki, Todini şirkətində 600 nəfər işçi çalışıb. Bunun da 480 nəfəri salyanlı idi. -0-
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz