Dekabrın 15-də səhər Qaradağ rayonunda estakada uçduqdan sonra itkin düşən 9 neftçinin axtarışı nəticə verməyib.
FHN və SOCAR-ın bütün qüvvə və vasitələrinin (10 gəmi, 3 vertolyot, Sularda Xilasetmə Xidməti və Qaradağ müdafiə qüvvələri) cəlb edilməsinə baxmayaraq, axtarışlar nəticə verməyib.
Xatırladaq ki, səhər saat 5:00-da uzunluğu 150 metr olan estakada yaşayış budkası ilə birlikdə uçub. Budkada 10 nəfər olub.
Sonradan bir nəfərin – İlham Qafarovun cəsədi tapılıb.
Faciə Bakının 30 km. cənubunda Qaradağ rayonunda Nərimanov adına NQÇİ-də baş verib.
*Son üç ildə həmin NQÇİ-də bir neçə faciə baş verib.
2014-cü il oktyabrın 23-də 441 saylı qəza meydançası təmir zamanı uçub. Meydançada olan kiçik vaqon dənizə uçub. Dörd neftçi həlak olub.
2014-cü il noyabrın 6-da 310 və 312 saylı meydançaların arasındakı 60 metr uzunluqda estakada uçub. 4 neftçi dənizə düşüb, onlardan ikisi həlak olub.
SOCAR-ın tarixində ən böyük faciə 2015-ci il dekabrın 4-də baş verib. “Günəşli” yatağında 30, “Neft Daşları”nda 3 neftçi həlak olub.–71D-
Cəmiyyət
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
Rəy yaz