“Sumqayıt gənclərinin hüquqi marifləndirilməsi” QHT-nin rəhbəri və “Yüksəliş Naminə” qəzetinin redaktoru Elçin Məmməd ölkədən çıxışına qadağa qoyulması ilə əlaqədar DİN-in Baş Mütəşəkkil Cinayətkarlığa qarşı Mübarizə İdarəsini (BMCMİ) məhkəməyə vermək niyyətindədir.
Bu il mayın 29-da Avropadan qayıtdıqdan sonra o, Bakı aeroportunda saxlanılıb, burada fəalın ölkədən çıxışının qadağan edildiyini bildiriblər. Daha sonra o, BMCMİ-yə aparılıb, burada 12 saata yaxın dindirilib.
Bundan sonra fəal hüquq müdafiə və jurnalist fəaliyyətinə görə təqib edildiyi haqqında beynəlxalq təşkilatlara müraciət edib.
“Front Line Defenders” təşkilatı ölkədən çıxışa qoyulmuş qadağanın qanuniliyi ilə bağlı açıqlama üçün Azərbaycan XİN-ə müraciət edib. XİN-dən məktub DİN-in əlinə düşüb və avqustun 4-də fəal BMCMİ-yə çağırılıb.
Lakin DİN-in mətbuat xidmətinin nümayəndəsi Ehsan Zahidov mətbuata bildirib ki, Məmmədin BMCMİ-yə çağırılması onun jurnalist və hüquq müdafiə fəaliyyəti ilə bağlı deyildi.
Buna, guya Azərbaycan Beynəlxalq Bankına kredit borcunun qaytarılmaması səbəb olub. Kreditin ödənilməsi zərurəti haqqında xəbərdarlıqdan sonra fəal buraxılıb, deyə mətbuat xidmətinin nümayəndəsi bildirib.
Fəal özü Turan-ın müxbiri ilə söhbətində bildirib ki, DİN-in mətbuat xidmətinin nümayəndəsinin açıqlaması cəfəngiyatdır və fikri əsas məsələdən yayındırmaq məqsədi daşıyır.
Bankın heç bir iradı yoxdur və kredit düzgün şəkildə ödənilir, deyə o bildirib və qeyd edib ki, hələ də qoyulmuş qadağanın səbəbləri haqqında sorğusuna rəsmi cavab almayıb.
Cavab aldıqdan sonra fəal BMCMİ-ni məhkəməyə vermək niyyətindədir. -06D-
Cəmiyyət
-
Milli Hidrometeorologiya Xidmətinin məlumatına görə, Bakıda və Abşeron yarımadasında yanvarın 15-də hava əsasən dəyişkən buludlu, ara-sıra tutulmalı, ümumən yağmursuz keçəcək. Lakin gecə və səhər saatlarında bəzi yerlərdə çiskin müşahidə oluna bilər.
-
Yanvarın 14-də Ermənistan və Amerika Birləşmiş Ştatları (ABŞ) arasında strateji tərəfdaşlıq haqqında xartiya imzalandı. ABŞ Dövlət katibi Antoni Blinken bu sənədlə bağlı danışarkən vurğulayıb ki, onlar Ermənistanla onun suverenliyi və ərazi bütövlüyünü qorumaq üçün səyləri gücləndirmək üzərində işləyirlər. O, strateji tərəfdaşlıq haqqında sənədin “daha dayanıqlı, dinc, təhlükəsiz və müstəqil” Cənubi Qafqazın yaradılmasına töhfə verəcəyinə əminliyini ifadə edib.
-
Məmnuniyyətlə bildiririk ki, saytın normal fəaliyyəti artıq tam şəkildə bərpa olunub.
-
Kömək üçün Turan agentliyinə müraciət edən və adının açıqlanmasını istəməyən zərərçəkən bildirib ki, 2024-cü ilin iyulunda öz evinin rekonstruksiyası üçün "DREAM CONSTRUCTİON Azerbaijan" şirkəti ilə rəsmi müqavilə bağlayıb: "Bu 58 000 manatlıq müqavilə idi. Mən “Algaplaza”da şirkətin ofisində 44 000 manat ödədim və qalan məbləği də açarları təhvil verərkən ödəmək niyyətində idim.
Rəy yaz