Bakı məhkəməsində Niderland səfiri səlahiyyətlərini icra edən şəxsə qarşı ayrı-seçkilik

Azərbaycanda Niderland səfirinin səlahiyyətlərini icra edən Özlem Canel bu gün Bakı Ağır Cinayətlər Məhkəməsində ayrı-seçkiliyə məruz qalıb. Canel Leyla və Arif Yunusun işi üzrə prosesdə iştirak etmək üçün məhkəməyə gələn diplomatlar arasında idi. Lakin içəriyə diplomatların yalnız bir hissəsi buraxılıb.

Canelin vəsiqəsinə baxan məhkəmə icraçısı izahat vermədən onu içəri buraxmaqdan imtina edib.

Diplomat Britaniya, Amerika və Fransa diplomatlarının buraxılmasının, onun isə buraxılmamasının izahını tələb edib. “Niyə Niderland səfirinin səlahiyyətlərini icra edən şəxsi ayrı-seçkiliyə məruz qoyursunuz? Bu, rəsmi qərardır?”

Amma bu, icraçıya heç bir təsir etməyib, o, diplomatı dinləməyib belə.

Amma bu gün məhkəmədə AFR səfirliyinin nümayəndəsinə qarşı da heç də yaxşı davranmayıblar.

Onu məhkəmənin dəhlizinə buraxıblar, zala buraxmağı vəd ediblər. Lakin onu 40 dəqiqə dəhlizdə saxladıqdan sonra diplomata getməyi təklif ediblər. -03C06-