Müdafiə naziri işğal olunmuş ərazlərin azad edilməsinə hazır olduğunu bildirib

Müdafiə naziri Zakir Həsənov cəbhə xəttində döyüş hazırlığını yoxlayır. Bu barədə Müdafiə Nazirliyinin məlumatında deyilir.

“Silahlı Qüvvələrin bütün şəxsi heyəti qisas və qələbə hissi ilə yaşayır, torpaqlarımızı işğaldan azad etmək uğrunda müqəddəs borcunu yerinə yetirməyə hazırdır və qadirdir. Azərbaycan əsgəri yalnız öz gücü və qüvvəsinə güvənərək düşməni işğal olunmuş torpaqlardan qovmaqla ərazi bütövlüyümüzü bərpa edəcəkdir. Buna heç kimin şübhəsi olmamalıdır”, - nazir bildirib.

Nazir bir daha deyib ki, artıq məqam yetişib. Səbri tükənən xalqımız, öz doğma yurdlarından didərgin salınmış insanlarımız da bizdən hərəkətə keçib, ömür boyu Azərbaycana qarşı düşmənçilik mövqeyində olan işğalçıları torpaqlarımızdan çıxarmağı tələb edir.

“Ordu Azərbaycanı Şuşasız, Laçınsız, digər işğal olunmuş şəhər və kəndlərsiz təsəvvür etmir”, - Z.Həsənov vurğulayıb.-02D-