Osman Narimanoglu
Bakı/12.10.22/Turan: Jurnalist, Demokratik.az saytının sahibi Osman Nərimanoğlu (Rzayev) istintaq təcridxanasından ailə üzvləri vasitəsilə müstəntiq və prokurorluq tərəfindən məruz qaldığı mənəvi işgəncələr haqqında məlumat ötürüb. Nərimanoğlu iyulun 5-də Meliorasiya İdarəsinin məmurlarından və Goranboy və Göygöl rayonlarının həkimlərindən onları gözdən salacaq məqalələri dərc etməmək üçün pul tələb etmək ittihamı ilə həbs edilib (CM-in 182.2.2-ci maddəsi - təhdid altında pul tələb etmə).
Nərimanoğlunun yaxınları istintaq müddətinin süni şəkildə uzadıldığını, ötən üç ay ərzində normal istintaq hərəkəti aparılmadığını bildiriblər.
CM-in 91-ci maddəsinə əsasən, istintaq dövründə barəsində təhqiqat aparılan şəxs işin açıq məhkəməyə verilməsini tələb edə bilər. Nərimanoğlu onun işi üzrə açıq məhkəmə keçirilməsini tələb edir. O, istintaqın qanunsuz olaraq uzadılması ilə yanaşı, ona qarşı mənəvi işgəncə tətbiq olunduğunu hesab edir, deyə ailə üzvləri Nərimanoğlunun sözlərini çatdırıblar.
Jurnalist həbs edildikdən sonra həmkarlarına ittihamların yalan olduğunu, ona korrupsiyalarını ifşa edən materiallar dərc etdiyi şəxslərin böhtan atdığını bildirib. Göygöl rayon prokuroru İlqar Hacızadə korrupsionerlərin tərəfini tutub. Nərimanoğlu iddia edir ki, ittiham tərəfinin pul tələb edilməsi ilə bağlı dəlili yoxdur, ümumiyyətlə Göygöl rayonunun müstəntiqi Vüsal Sadıxov təqsirləndirilən şəxsin təqsiri haqqında heç bir fakt aşkar etməyib.
Osman Nərimanoğlu bildirib ki, 15 illik jurnalistlik fəaliyyəti ərzində heç vaxt rüşvət almayıb, həmişə şəffaf işləyib, rayonda qanunu pozanları ifşa edib.
2018-ci ilin sonlarında Osman Nərimanoğlu Göygöl məhkəməsinə iddia təqdim edib, Göygöl Rayon Meliorasiya İdarəsinin sədri İlqar Məhərrəmovu ona qarşı böhtan və şantajda ittiham edib.
Jurnalistin vəkili Şahlar Tağıyev Turan-ın müxbiri ilə söhbətində istintaqın əlində "kifayət qədər fakt" olmadığını təsdiq edib. Jurnalist Nərimanoğlu təqsirsizdir və ona bəraət veriləcək, sonra özü hər şeyi danışacaq. İstintaq sirri olduğu üçün başqa heç nə deyə bilmərəm, deyə vəkil qeyd edib.
Baş Prokurorluğun mətbuat xidməti 10-11 oktyabr tarixlərində Turan-ın iddialarla bağlı sorğusuna cavab verməyib. DİN-in mətbuat xidməti rəsmi ittiham versiyasını təkrar edib. 0
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz