Dekabrın 13-də Səbayel Rayon Məhkəməsi Pərviz Həşimlinin saxlanma yerinin dəyişdirilərək MTN-in istintaq təcridxanasından Bakı İstintaq Təcridxanasına köçürülməsi ilə bağlı iddiasını təmin etməyib. Bu barədə Turan-a P. Həşimlinin həyat yoldaşı İlahə Həşimli bildirib.
Onun sözlərinə görə, proses başlamazdan əvvəl məhkəmə binasının qarşısında coxsaylı polis əməkdaşları olub. Polislər P.Həşimlinin yaxınlarının və jurnalistlərin ona yaxınlaşmasına imkan verməyiblər.
Məhkəməyə əli qandallı gətirilən P. Həşimli "mənə işgəncə verirlər" deyə qışqırıb. Bundan sonra MTN-in əməkdaşları onu dərhal məhkəmə binasına salıblar.
İ. Həşimli onu da qeyd edib ki, P.Həşimlinin işgəncələrlə bağlı qeydlərini məhkəməyə gətirməyə imkan verməyiblər, qeydlər onun əlindən alınıb. Vəkil E.Sadıqov buna etiraz edərək məhkəmə zalını tərk edib.
Öz növbəsində P.Həşimli də qeydlərinin gətirilməsinə icazə vermədikləri üçün hakimə etiraz edərək arxasını ona çevirib. “Bu zaman Pərvizi başqa otağa keçiriblər və prosesi Pərviz və vəkil olmadan boş otaqda keçirərək qərar veriblər”, - İ. Həşimli bildirib.
Jurnalistin həyat yoldaşı onu da deyib ki, P.Həşimli ona edilən fiziki və psixoloji təzyiqlərə görə özünə bu günlərdə qəsd etmək istəyib. “Bəzən ona elə sözlər deyilir ki, özünü xəsarət yetirmə həddinə çatır. Vəkili bizə bildirib ki, qayçı ilə özünə qəsd etmək istəyib və son anda MTN-in istintaq təcridxanasının əməkdaşları buna imkan verməyiblər”, - o vurğulayıb.
İ. Həşimli Pərvizin işinin tezliklə yekunlaşdırılması, həyat yoldaşına qarşı fiziki, mənəvi işgənclərin dayandırılması üçün yenidən müraciət ediləcəyini bildirib.
O həmçinin Pərvizin həbsindən sonra ailəsinin maliyyə durumunun ağır olduğunu deyib: “Ailəmizdə yeganə maaş alan şəxs Pərviz idi”.
MTN-nin Ictimaiyyətlə Əlaqələr Mərkəzindən şərh almaq mümkün olmayıb.
P. Həşimli sentyabrın 17-də Milli Təhlükəsizlik Nazirliyinin keçirdiyi əməliyyat zamanı saxlanılıb. Ona qarşı Cinayət Məcəlləsinin 206.3.2-ci (qabaqcadan əlbir olan bir qrup şəxs tərəfindən odlu silahın və döyüş sursatının qaçaqmalçılığı) və 228.2.1-ci (qabaqcadan əlbir olan bir qrup şəxs tərəfindən qanunsuz olaraq odlu silah, onun komplekt hissələrini və döyüş sursatını əldə etmə, saxlama, daşıma) maddələri üzrə ittiham irəli sürülüb və Səbayel Rayon Məhkəməsi onun barəsində 2 aylıq həbs qətimkan tədbiri seçilib. Noyabrın 7-də həbs qətimkan tədbirinin müddəti 3 ay artırılıb.
P. Həşimli ittihamları qəbul etmir, hüquq müdafiə və jurnalist fəaliyyətinə görə saxta ittihamla həbs olunduğunu bəyan edir. -16B03-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz