Jurnalist Rasim Əliyevin ölüm işi üzrə məhkəmədə

Martın 3-də Ağır Cinayətlər Məhkəməsində Eldar İsmayılovun sədrliyilə jurnalist Rasim Əliyevin işi üzrə proses davam edib.

Müttəhimlər kürsüsündə Elşən İsmayılov, Camal Məmmədov, Arif Əliyev, Kənan  Mədətov, Samir Musrafayev əyləşib.

Bu gün müttəhim Kənan Mədətovun maraqlarını müdafiə edən vəkil Rəsul Yusifbəyli məhkəmədən ona qarşı irəli sürülən 126-cı maddənin (qəsdən sağlamlığa ağır xəsarət yetirmək) 307-ci maddəyə (cinayət barədə məlumat verməmək)  tövsif olunmasını xahiş edib.

Samir Mustafayevin vəkili Bəxtiyar Əliyev müttəhimə bəraət verilməsini xahiş edib. Lakin R.Əliyevin ailəsi məhkəmədən xahiş edib ki, müttəhimlərə ciddi cəza verilsin, ittiham yumşaldılmasın.

*Jurnalist Rasim Əliyev 2015-ci il avqustun 8-də futbolçu Cavid Hüseynovun qohum və dostları tərəfindən döyülüb. Daha sonra M.Nağıyev adına xəstəxanaya yerləşdirilib. Avqustun 9-u səhərə yaxın xəstəxanada vəfat edib. Bu ölümlə bağlı Cavid Hüseynov da daxil olmaqla, 6 nəfər cinayət məsuliyyətinə cəlb edilib. Onlardan 5-i birbaşa bu öılüm məsələsində ittiham edilib. C.Hüseynovun işi isə istintaqın sonuna yaxın ümumi icraatdan ayrılıb. Ona qarşı cinayəti bilib xəbər verməmək ittihamı irəli sürülüb. Keçən həftə çıxış edən dövlət ittihamçısı bu 5 nəfərdən ikisinə 14 il, birinə 12 il, daha ikisinə isə 11 il yarım həbs cəzası istəyib.-16d-