Jurnalist Rasim Əliyevin ölümü ilə əlaqədar Azərbaycan CM-in 126.3-cü (qəsdən sağlamlığa ağır zərbə vurma, zərərçəkmişin ölümünə səbəb olduqda) maddəsi ilə cinayət işi açılıb. Bu barədə Azərbaycan DİN və Baş Prokurorluğunun birgə məlumatında deyilir.
Press-relizə əsasən, “Bakı sakini, 1984-cü il təvəllüdlü Rasim Məmmədəli oğlu Əliyev avqustun 8-də saat 18:00 radələrində Bayıl qəsəbəsi ərazisində “Bayıl market” mağazası yaxınlığında bir qrup naməlum şəxs tərəfindən döyülüb. O, çoxsaylı bədən xəsarətləri ilə şəhər Kliniki Tibb Mərkəzinə yerləşdirilib.
Aldığı xəsarətlərdən jurnalist avqustun 9-da saat 5.00-da dünyasını dəyişib.
Faktla bağlı Bakı Şəhər Prokurprluğunun istintaq idarəsində 126.3-cü (qəsdən sağlamlığa ağır zərbə vurma, zərərçəkmişin ölümünə səbəb olduqda) maddə ilə cinayət işi açılıb. Şəhər Prokurorluğu və polis əməkdaşlarından birgə istintaq-əməliyyat qrupu yaradılıb.
Hadisənin səbəblərinin və bütün iştirakçılarının müəyyən edilməsi üzrə zəruri və təxirəsalınmaz istintaq-əməliyyat tədbirləri davam etdirilir.
İstintaq DİN və Baş Prokurorluq rəhbərliyinin xüsusi nəzarəti altındadır, deyə məlumatda qeyd edilir.
Qeyd edək ki, jurnalist Rasim Əliyev 2006-cı ildə Reportyorların Azadlıq və Təhlükəsizlik İnstitutu yarandığı gündən təşkilatın üzvü idi. RATİ rəhbəri Emin Hüseynov ötən ilin avqustunda məcburi olaraq əsassız cinayət təqibindən gizlənmək məcburiyyətində qaldıqdan sonra, 2014-cü ilin payızında hesabat-seçki konfransında Rasim Əliyev RATİ sədri seçilib. Ədliyyə Nazirliyinə RATİ rəhbərinin dəyişdiyi haqqında rəsmi məlumat verilib. Baxmayaraq ki, bank hesablarının dondurulması, avadanlıqların və sənədlərin müsadirə edilməsi və RATİ ofisinin möhürlənməsi ilə əlaqədar təşkilatın layihələri dayandırılıb və Əliyev artıq təşkilatda işləməyib, amma ölümünə qədər institutun sədri olaraq qalıb.
Maraqlıdır ki, jurnalistə hücum RATİ-nin ofisində axtarışın və onun avadanlıqlarının və sənədlərinin müsadirəsinin ildönümü ilə eyni vaxta təsadüf edib. -06B-
Cəmiyyət
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
Rəy yaz