Dünən Abşeron rayon məhkəməsində xuliqanlıqda ittiham olunan “Azadlıq” qəzetinin əməkdaşı Seymur Həzinin işi üzrə məhkəmə dinləmələri davam etdirilib.
Xatırladaq ki, 29 avqust 2014-cü ildə avtobus dayanacağında naməlum şəxs jurnalistə yaxınlaşıb facebook-da ona yazmamaq tələbi ilə onu təhqir etməyə başlayıb. Daha sonra o, yumruqla Həzini döyməyə başlayıb. Özünümüdafiə məqsədilə Həzi ona əlindəki butılka ilə zərbə endirib. Elə həmin vaxt polis gəlib, Həzini saxlayıb və şöbəyə aparıb.
Yanvarın 13-də iclasda şahid qismində hadisə yerinə baxış haqqında protokolu imzalayan hal şahidləri dindirilib.
Taksi sürücüsü Sərraf Rüstəmov bildirib ki, sənədi polis sahə müfəttişi Əmircan Salmanovun təklifi ilə imzalayıb və baxışda iştirak etməyib.
Digər şahid Sabir Abuşov deyib ki, ona da protokolu imzalamağı təklif ediblər, baxmayaraq ki, o, baxış keçirməyib.
Sahə müfəttişi Əmircan Salmanov özü hadisə yerinə baxışı Abşeron polis idarəsinin üç əməkdaşının keçirdiyini təsdiq edib. Protokol mətnini Fuad adlı şəxs tərtib edib.
Öz növbəsində, Həzi bir daha ona qarşı işin saxta olduğunu bəyan edib.
“Şahidlərin dindirilməsi ittihamın saxtalaşdırıldığını təsdiq edib. Bu, açıq-aşkar qondarma işdir”, deyə o bildirib.
“2010-cu ildə məni inzibati qaydada həbs ediblər. Təcridxanada mənə işgəncə ediblər və bu iş artıq Avropa İnsan Hüquqları Məhkəməsindədir. 26 mart 2011-ci ildə məni maskalı şəxslər oğurlayıblar və işgəncələrə məruz qoyublar. Bu iş üzrə də Avropa Məhkəməsinə şikayət göndərilib”, deyə Həzi qeyd edib.
Vəkil Adil İsmayılov ibtidai istintaqı aparmış müstəntiq Bilal Nəbiyevin məhkəməyə çağırılması, həmçinin hadisə yerinə baxış haqqında protokolu tərtib etmiş Fuad Nəsibovun öhdəliklərinin müəyyən edilməsi haqqında vəsatət qaldırıb.
O, həmçinin məhkəmədən Həzi və Həsənov arasında facebook-da yazışma olub-olmaması məsələsini araşdırmağı xahiş edib.
Lakin məhkəmə yalnız Abşeron polis idarəsinin əməkdaşları Nəbiyev və Nəsibovun məhkəməyə çağırılması haqqında vəsatəti təmin edib. Proses yanvarın 22-də davam etdiriləcək. -06D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz