Jurnalist Xalid Qarayev 25 gün müddətinə həbs edilib (YENİLƏNİB)
Binəqədi rayon məhkəməsi bu gün “Azadlıq” qəzetinin jurnalisti və “Azərbaycan saatı” on-line televerilişinin əməkdaşı Xalid Qarayevi 25 gün müddətinə inzibati həbs cəzasına məhkum edib.
O, İnzibati Xətalar Məcəlləsinin 296 (kiçik xuliqanlıq) və 310.1-ci (polisə tabe olmamaq) maddə ilə təqsirli bilinib, bu barədə Turan-a vəkil Bəhruz Bayramov bildirib.
İttihama görə, “Binəqədi kəndinin mərkəzində polis Qarayevə irad tutduqda, o tabe olmayıb və ünvansız və senzuradankənar şəkildə söyüş söyüb”.
Məhkəmədə Qarayevə qarşı iki şahid – Adil Əliyev və Elnur Qasımov ifadə verib. Polisin daim Qasımovdan müxtəlif ittihamlar üzrə “şahid” qismində istifadə etdiyi məlum olub.
Müdafiə tərəfi hesab edir ki, polis sifarişli işlərdə belə “şahidlərdən” istifadə edib.
Qarayev özü məhkəmədə bildirib ki, ittiham “saxtalaşdırılıb, siyasi motivlidir və onun jurnalist fəaliyyəti və fəal vətəndaş mövqeyi ilə əlaqədardır”.
Müdafiə tərəfi apellyasiya şikayəti vermək niyyətindədir. -03B06-
2014 Oktyab 30 (Çərşənbə) 00:29:12
“Azadlıq” qəzetinin müxbiri Xalid Qarayev çərşənbə günü axşam saxlanılıb. O həmçinin “Azərbaycan saatı” on-line televiziya proqramının əməkdaşıdır.
Saat 20.00-a yaxın X.Qarayev özünün Facebook səhifəsində yazıb ki, saxlanılıb və Binəqədi Rayon Polis İdarəsinin 4-cü bölməsinə aparılıb.
Lakin “Azadlıq” qəzetinin baş redaktorunun birinci müavini Rahim Hacıyev Turan-a məlumat verib ki, 4-cü bölmədən bildirilib ki, X.Qarayev orada yoxdur.
X.Qarayevin saxlandığı yer hələlik məlum deyil.
Öz növbəsində jurnalist Xədicə İsmayılova özünün Facebook səhifəsində xatırladıb ki, “Azərbaycan saatı” proqramının aparıcısı Seymur Həzi iki ay oncə həbs olunub. Digər aparıcı Natiq Ədilov qardaşı Murad Ədilovun həbsindən sonra ölkəni tərk etməyə məcbur olub.
X.İsmayılova diqqəti ona yönəldib ki, X.Qarayev “Azərbaycan saatı” proqramının Türkiyədən peyk vasitəsilə yayıma başlamasından bir həftə sonra saxlanılıb.–06D--
-
- Sual-cavab
- 30 Oktyabr 2014 16:53
-
- Cəmiyyət
- 30 Oktyabr 2014 17:30
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz