Jurnalist Xədicə İsmayılovanın məhkməəsi başlayır
Oktyabrın 9-da Binəqədi rayon məhkəməsində Sədrəddin Hacıyev sədrliyi ilə Klassik Xalq Cəbhəsi Partiyasının (KXCP) keçmiş üzvü, Elman Həsənovun (Türkoğlu) araşdırmaçı jurnalist Xədicə İsmayılovaya qarşı xüsusi ittiham qaydasında qaldırdığı iddia üzrə məhkəmə prosesi başlayır.
Elman Türkoğlu mediaya verdiyi müsahibələrində qeyd edib, Xədicə İsmayıl «facebook»da yaydığı bir sənədlə onun şərəf və ləyaqətini təhqir edib, ona böhtan atıb.
“Həmin sənəddə tək mən yox, bütün ailə üzvlərim təhqir olunub. Guya mən MTN-lə gizli əməkdaşlığa cəlb olunmuşam, homoseksual adlandırılıram. Mən bu sənədi yayandan sonra Xədicədən onu silməyini istədim. O da dedi ki, get ver məhkəməyə”.
Buna görə də Həsənov onun Cinayət Məcəlləsinin 147-ci (böhtan) maddəsi ilə cinayət məsuliyyətinə cəlb edilməsi üçün xüsusi ittiham qaydasında Binəqədi Rayon Məhkəməsinə müraciət edib.
Elman Türkoğlu deyib ki, həmin sənəd 2014-cü ilin fevralında yayılıb.
Araşdırmaçı jurnalist “Amerikanın Səsi”nə verdiyi açıqlamasında məhkəmə prosesinin məğzinin boş bir şey olduğunu deyib.
Xədicə İsmayıl bildirib ki, o, etmədiyi bir şeydə günahlandırılır.
“Məsələ heç etmədiyim bir şeydə də deyil. Əgər onlar istəyirlərsə ki, bu mövzu çıxsın məhkəmə araşdırmasına, onda mən bu məhkəmə prosesindən istifadə etməyə çalışacağam ki, bu məhkəmə prosesində Milli Təhlükəsizlik Nazirliyinin həqiqətən də bu işi görüb-görmədiyi ilə bağlı həqiqətləri üzə çıxarım. Bir halda ki, onlar bu mövzunun məhkəmə araşdırmasına çevrilməsini istəyirlər, bəli, gəlin bu mövzunu məhkəmə araşdırmasına çevirək”, - deyə Xədicə bildirib. -16D-
-
- İqtisadiyyat
- 8 Oktyabr 2014 17:16
-
- Siyasət
- 8 Oktyabr 2014 17:46
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz