Jurnalist Xədicə İsmayılovanın işi üzrə hazırlıq iclası iyulun 22-nə təyin edilib. İşə Ramella Allahverdiyevanın sədrlik etdiyi hakim tərkibi baxacaq.
Xatırladaq ki, iyulun 22-də Azərbaycanda Milli Mətbuat Günü qeyd olunur.
İsmayılova 5 dekabr 2014-cü il tarixində Tural Mustafayevin şikayəti əsasında həbs olunub. Ona qarşı 125-ci (özünü öldürmə həddinə çatdırma) maddə ilə ittiham irəli sürülüb. Sonradan Mustafayev jurnalistə qarşı təzyiq altında ifadə verdiyini bildirsə də, İsmayılovaya qarşı bu maddə ilə cinayət təqibinə xitam verilməyib. Fevralda İsmayılovaya qarşı CM-in 179.3.2-ci (böyük ölçüdə mənimsəmə və ya israf), 192.2.2 (qanunsuz sahibkarlıq), 213.1 (vergi ödənişindən yayınma və 308.2-ci (vəzifə səlahiyyətlərindən sui-istifadə) maddələri ilə ittiham irəli sürülüb.
İsmayılova ittihamları siyasi motivli hesab edir. Amnesty İnternational beynəlxalq hüquq müdafiə təşkilatı İsmayılovanı “vicdan məhbusu” kimi tanıyıb. Bir çox beynəlxalq təşkilatlar və rəsmi Vaşinqton onun azad edilməsini tələb edir. -16B06-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz