![Jurnalistin döyülərək öldürülməsi cinayət işi üzrə həkimlər məsuliyyətə cəlb edilməyib](https://turan.az/resized/750/500/resize/media/2015/main/081700126449.jpg)
Jurnalistin döyülərək öldürülməsi cinayət işi üzrə həkimlər məsuliyyətə cəlb edilməyib
Jurnalist Rasim Əliyevin döyülərək öldürülməsi faktı üzrə açılmış cinayət işi üzrə 6 nəfərdən başqa saxlanılan yodur. Bu barədə Turan-a hüquq mühafizə orqanlarındakı mənbələrdən bəlli olub. Mənbə bəzi KİV-lərdə daha bir futbolçunun saxlanması ilə bağlı yayılan xəbərləri təkzib edib.
“Həmin futbolçu istintaqa dəvət olunub və ifadəsi alındıqdan sonra azad buraxılıb. Onun özü də bu barədə mediaya danışıb”, - mənbə qeyd edib. Mənbə həmçinin istintaq hərəkətlərin intensiv şəkildə davam etdirildiyini deyib: “Hazırda şoxsaylı ekspertizalar təyin edilib, insanlar dindirilir”.
Rasim Əliyevin valideynlərinin jurnalisti müayinə və müalicə edən həkimlərin məsuliyyətə cəlb edilməsi ilə bağlı tələblərinə gəlincə, məbəə bununla bağlı Səhiyyə Nazirliyinin araşdırma apardığını bildirib.
“Hələ ki hər hansı həkim məsuliyyətə cəlb edilməyib”, - o qeyd edib.
Jurnalist Rasim Əliyev Facebook səhifəsində tənqidi status yazdıqdan sonra avqustun 8-də “Qəbələ” futbol komandasının oyunçusu Cavid Hüseynovun yaxınları tərəfindən evindən çağırılaraq döyülüb. Jurnalist avqustun 9-da Bakı Klinik Mərkəzində ölüb.
Rasim Əliyevin döyülərək öldürülməsi faktı üzrə Bakı Şəhər Prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma, zərərçəkmiş şəxsin ölümünə səbəb olduqda) maddəsi ilə cinayət işi başlanıb.
Jurnalistin qətlində iştirak edən futbolçunun qohun və yaxınları olan 5 nəfər Cinayət Məcəlləsinin 126.3-cü maddəsində nəzərdə tutulan əməli törətməkdə təqsirli bilinib və barələrində məhkəmə tərəfindən həbs qətimkan tədbiri seçilib.
Istintaqın hazırkı mərhələsində Cavid Hüseynovun, bibisi oğlu Elşən Ismayılovun təşkilatçılığı ilə ağır cinayətin hazırlanmasını bilərək bu barədə xəbər verməməsi, cinayətin törədilməsindən sonra isə qabaqcadan vəd etmədən onun gizlədilməsinə yönələn hərəkətlərə yol verməsində əsaslı şübhələr olduğundan ona Cinayət Məcəlləsinin 307.1 (ağır cinayətin hazırlanmasını və ya törədilməsini bilərək həmin cinayət barəsində xəbər verməmə) və 307.2-ci (qabaqcadan vəd etmədən ağır cinayəti gizlətmə) maddələrində nəzərdə tutulan ittiham elan olunub və məhkəmənin qərarı ilə barəsində həbs qətimkan tədbiri seçilib.-03B-
-
- İqtisadiyyat
- 17 Avqust 2015 16:15
-
- Siyasət
- 17 Avqust 2015 17:49
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz