Cəmil Məmmədli
Bakı/09.04.21/Turan: Bu gün Xaçmaz Rayon Məhkəməsində hakim Anar Sadıqovun sədrliyi ilə jurnalist Cəmil Məmmədliyə qarşı Quba Rayon İcra Hakimiyyətinin başçısı Ziyəddin Əliyevin xüsusi ittiham qaydasında iddia ərizəsi üzrə məhkəmə iclası iddianın təhqir hissəsinin araşdırılması ilə davam edib.
Məhkəmə aprelin 2-də jurnalist Cəmil Məmmədlini Cinayət Məcəlləsinin 147.2 (ağır, xüsusilə ağır cinayətdə ittiham etməklə böhtan atma), 148-ci (böhtan) maddələri ilə təqsirləndirlən şəxs qismində tanıyıb.
Cəmil Məmmədli “Amerikanın səsi”nə müsahibəsində deyib ki, bugünki prosesdə ittihamın təhqir hissəsi araşdırılıb.
“Təhqir hissəsində qarşı tərəf ortaya hər hansı sübut qoya bilmədi. Mənim qabaqkı vaxtlarda ümumi məzmunda yazdığım bir statusa istinad edirlər. O statusda isə Ziyəddin Əliyevin adı çəkilməyib. Bunlar ümumi sözlərə istinad edərək iddia qaldırıblar. İttiham edən tərəf böhtan məsələsini məhkəmədə sübut edə bilmir”, - o qeyd edib.
Jurnalistin sözlərinə görə, növbəti məhkəmə iclasında iddianın böhtan hissəsi araşdılacaq.
“Bu hissədə mənim konkret faktlarım var. Araşdırmalarım adamların audio və video yazı formatında dediklərinə əsaslanır və həmin adamlar r da yazılı şəkildə dediklərini təsdiq edirlər. Burada 200 nəfərin bank kartları və rüşvətdən söhbət gedir. Həmin faktları məhkəməyə təqdim edəcəyik”, - jurnalist qeyd edib.
Qarşı tərəfin vəkili açıqlama verməkdən imtina edib.
Növbəti məhkəmə iclası aprelin 19-na təyin edilib.
Quba Rayon İcra Hakimiyyəti başçısı Ziyəddin Əliyev müstəqil jurnalist Cəmil Məmmədlini xüsusi ittiham qaydasında məhkəməyə verib. Əliyev jurnalistin ona sosial şəbəkələrdə böhtan atdığını və təhqir etdiyini iddia edir.
Bu jurnalsitin Quba Rayon İcra Hakimiyyətinin başçısı Ziyəddin Əliyevlə bağlı araşdırma videolarından sonraya təsadüf edir.
Cəmil Məmmədli hazırda müstəqil jurnalist kimi fəaliyyət göstərir. Əvvəllər “Azadlıq” radiosunun bölgə müxbiri olub.-03-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz