Bu gün Xədicə İsmayılovanın işi üzrə məhkəmə prosesini işıqlandıran jurnalistlər Bakı Ağır Cinayətlər Məhkəməsinin qarşısında aksiya keçiriblər.
Jurnalistlər döyülmə nəticəsində aldığı xəsarətlərdən avqustun 9-da ölən Rasim Əliyevin xatirəsini anıblar.
Aksiya bir dəqiqəlik sükut formasında keçirilib. Sonra çıxış edən jurnalistlər Əvəz Zeynallı, Aynur İmranova, Xalıq Bahadır, Rövşən Hacıyev və başqaları jurnalistin qətlinin sifarişçilərinin və icraçılarının tapılıb cəzalandırılmasını tələb ediblər. Eyni zamanda onlar bunun baş tuta biləcəyinə şübhə ilə yanaşıblar.
Çıxış edənlər bu fikirdə olublar ki, cəzasızlıq atmosferi, media nümayəndələrinə qarşı cinayətlərin açılmaması jurnalist ölümünə səbəb olur.
Xatırladaq ki, 2014-cü ilin payızından Reportyorların Azadlıq və Təhlükəsizlik İnstitutuna rəhbərlik edən R.Əliyev “Qəbələ” futbol klubunun oyunçusu Cavid Hüseynovu tənqid etdikdən sonra bir qrup şəxs tərəfindən döyülüb.
Reportyor aldığı yaralardan avqustun 9-da ölüb. Qeyri-rəsmi məlumatlara görə, R.Əliyevə hücum faktı ilə bağlı futbolçunun qohumu və bir neçə nəfər saxlanılıb.–06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz