2014-cü ildə gömrük bəyannamələrinə əsasən, Azərbaycana 88,6 min mobil telefon və başqa naqilsiz rabitə vasitələri gətirilib. Bu, 2013-cü ildəkindən 6,4% azdır, deyə Dövlətstatkom bildirir.
2012-ci ildə bu göstərici 187,5 min ədəd idi. Gömrük Komitəsi vaxtaşırı mobil telefonların qanunsuz idxalının qarşısının alındığı barədə məlumat yayır.
İdxalın azalması onunla bağlı ola bilər ki, ölkədə telefonlar baha olduğu üçün xaricə gedənlər orda daha ucuz qiymətə şəxsi telefon alır. Onların idxalı isə gömrük vergisinə cəlb edilmir. Son vaxtlar ucuz brend Çin telefonları diqqəti cəlb edir. Şəxsi istifadə üçün idxal edilən telefonların gömrük uçotu aparılmır.
DSK-ya görə, 2014-cü ildə mobil telefon idxalı $5 mln 134,5 min manata başa gəlib, bu, 2013-cü ildəkindən 22,4 % çoxdur.
1 yanvar 2015-ci il üçün Azərbaycanda mobil rabitə istifadəçilərinin sayı 10 101,9 min nəfər olub. Bu, 2013-cü ildəkindən 3,9% çoxdur. Hər 100 nəfərə 107 (+2) mobil telefon düşür.
2014-cü ildə mobil rabitə operatorlarının qazancı 710,5 mln manat olub. Bu, 2013-cü ildəkindən 6,4% çoxdur. --08B--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz