Türkiyə hüquq-mühafizə orqanlarının müraciəti əsasında Azərbaycan Baş Prokurorluğunda ABŞ-da yaşayan və Ankara tərəfindən terrorizmdə və dövlət çevrilişinə cəhddə ittiham olunan ilahiyyatçı Fətullah Gülən hərəkatının fəaliyyəti ilə bağlı araşdırma davam edir. Bu barədə bu gün jurnalistlərə Azərbaycanın baş prokuroru Zakir Qaralov bildirib.
Onun sözlərinə görə, bu yaxınlarda Baş Prokurorluğun kriminalistika şöbəsinin rəisi Türkiyədə olub və bu istiqamətdə iş sıx qarşılıqlı əlaqə şəraitində davam etdirilir.
Artıq həbs cəzası çəkən keçmiş səhiyyə naziri Əli İnsanova qarşı yeni ittihamlarla cinayət işi başlamasını şərh edən Qaralov bildirib ki, “cinayət işi başlayıbsa, bunun üçün əsas olub”.
Milli Təhlükəsizlik Nazirliyinin keçmiş əməkdaşları barəsində istintaq hərəkətləri də davam etdirilir.
Qaralovun sözlərinə görə, istintaq ümumilikdə 280 epizod üzrə aparılır. İşlərdən biri artıq məhkəməyə göndərilib, digərləri üzrə istintaq davam edir.
Xatırladaq ki, MTN-in bir sıra ağır cinayətlərin törədilməsində ittiham olunan ən mənfur generallarından biri Akif Çovdarov artıq məhkəmə qarşısına çıxarılıb. -16D06-
Cəmiyyət
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
-
Azərbaycanın Milli Hidrometeorologiya Xidməti fevralın 11-də ölkə ərazisində əsasən quru və soyuq hava şəraitinin müşahidə olunacağını, Bakıda və Abşeron yarımadasında isə arabir buludluluğun artacağını proqnozlaşdırıb.
-
Həmkarlar ittifaqına aid qeyri-hökumət təşkilatı olan “İşçi Masası Konfederasiyası”nın sədri Afiyəddin Məmmədov, Azərbaycanda sosial şəraitin pisləşməsi və vətəndaşların həbsi ilə bağlı etiraz əlaməti olaraq həbsxanada müddətsiz aclıq aksiyasına başlayıb, onun ailəsi cümə günü bildirib.
-
Abşeron rayonunun Xırdalan şəhərində yerləşən çoxmərtəbəli yaşayış binasında yanğın baş verib. Hadisə ilə bağlı Fövqəladə Hallar Nazirliyi (FHN) dərhal əraziyə qüvvələr cəlb edib, rəsmilər şənbə günü bildirib.
Rəy yaz