Bakı/27.04.17/Turan: Bu gün Bakı Hərbi Məhkəməsində keçmiş Milli Təhlükəsizlik Nazirliyinin Antiterror Mərkəzinin rəhbəri general Elçin Quliyevin və bu bölmənin digər üç zabitinin işi üzrə proses başlayıb.
Məhkəmə həbs qətimkan tədbirinin dəyişdirilməsi, cinayət işinə xitam verilməsi və onun əlavə istintaqa göndərilməsi ilə bağlı vəkillərin vəsatətlərini təmin etməyib.
E.Quliyev və onun tabeliyində olanlar CM-in 12 maddəsilə ittiham olunurlar. Bu maddələrin arasında qanunsuz həbslər, qarət, başqasının əmlakını ələ keçirmək, mütəşəkkil qrupun tərkibində pul tələb etmək, səlahiyyətlərdən sui-istifadə, külli miqdarda rüşvət almaq və s. var.
Xatırladaq ki, E.Quliyev və onun tabeliyində olanlar sahibkarları qanunsuz izləyiblər, onları həbs ediblər, ölüm və həbslə hədələyək pul tələb ediblər. Belə hərəkətlərdən onlarla sahibkar zərər çəkib. Onlara dəyən zərərin miqdari on milyonlarla ölçülür.
2015-cı ilin oktyabrında MTN ləğv edildikdən sonra 20-dən çox zabit həbs edilib. Onlara qarşı çoxsaylı cinayət işi açılıb.
İndiki məhkəmə keçmiş MTN işçilərinə qarşı sayca üçüncü məhkəmədir. Digər iki məhkəmə hələ davam edir. -02D-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz