Rüfət Səfərov
Bakı/13.10.17/Turan: Xəzər rayon Prokurorluğu keçmiş müstəntiq Rüfət Səfərova 9 saylı Cəzaçəkmə Müəssisəsində işgəncə verilib-verilmədiyini araşdırır. Prokurorluğun əməkdaşı bu gün həmin müəssisədə cəza çəkən R.Səfərovla görüşüb. Bu barədə keçmiş müstəntiqin vəkili Bəhruz Bayramov bildirib.
Müdafiə tərəfi iddia edir ki, R.Səfərov 9 saylı Cəzaçəkmə Müəssisəsinin rəis müavini Azər Qurbanzadənin iştirakı ilə sentyabrın 22-də işgəncəyə məruz qalıb. "Həmin vaxt yaxınları və vəkilləri onunla görüşməyə cəhd etsə də, buna icazə verilməyib. Görüş yalnız sentyabrın 26-da baş tutub. Həmin vaxt R.Səfərov vəkilinə ona zor tətbiq edilməsi - qolunun bağlanması, işgəncə verilməsi barədə məlumat verib".
B.Bayramov deyir ki, bununla bağlı araşdırıma aparılması üçün prokurorluğa müraciət edib və müraciət əsasında R.Səfərovun işgəncəyə və qeyri-insani davranışa məruz qalması araşdırılmağa başlanıb və prokurorluq əməkdaşı R.Səfərovdan izahat alıb.
Xatırladaq ki, R.Səfərov 2015-ci ilin dekabrında bəyanat verərək, hüquq-mühafizə orqanlarından çıxıb. O, hüquq mühafizə orqanlarının fəaliyyətini kəskin tənqid edib. Daha sonra ona qarşı təkrar rüşvət almaq ittihamı irəli sürülüb.
2016-cı ilin sentyabrında Lənkəran Ağır Cinayətlər Məhkəməsinin qərarı ilə 9 il azadlıqdan məhrum edilib. R.Səfərov sentyabrda cəzaçəkmə müəssisəsində cərimə kamerasına salınmışdı. Ona 9 saylı Cəzaçəkmə Müəssisəsinə gətirildiyi ilk vaxtlarda da "kars" cəzası verilmişdi. -05B-
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz