Bakı/13.10.17/Turan: Oktyabrın 13-də Bakı Apellyasiya Məhkəməsi müxalifətin 7 oktyabr mitinqindən əvvəl həbs edilmiş 4 AXCP üzvünü azad etməkdən imtina edib.
Bundan başqa, Sumqayıt Apellyasiya Məhkəməsi fəal Cabbar Savalanın vəkillərinin şikayətini təmin etməyib, bu barədə vəkil Əsabəli Mustafayev bildirib.
Bakı Apellyasiya Məhkəməsi Füzuli Hüseynov, Ruslan Nəsirov, Yalçın Abdullayev və Məhərrəm Rzayevin şikayətlərini təmin etməyib.
AXCP üzvləri həbslərinin əsassız olduğunu bildiriblər və məhkəmədən onları azad etməsini xahiş ediblər.
Hər iki məhkəmə adi qaydada keçirilib: vəsatətlərin heç biri təmin edilməyib, deyə vəkil bildirib.
Xatırladaq ki, oktyabrın 7-də Milli Şura Bakıda mitinq keçirib, AXCP lideri Əli Kərimli mitinqdə 200-ə yaxın fəalın polisə çağırıldığını deyib.
Aksiyanın icazəli olmasına baxmayaraq, beş fəal saxlanılıb və "ictimai asayişin pozulmasına görə" 10 gündən 30 günədək inzibati həbs cəzasına məhkum edilib. -05B04--
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz