![Keçmiş polis jurnalistləri təzyiq altında saxlayıb](https://turan.az/resized/./turan-750-500-resize.webp)
Keçmiş polis jurnalistləri təzyiq altında saxlayıb
“Siyasət.az” saytının rəhbəri Mirsamir Məmmədov cümə axşamı RATİ-də kollektivə olan təzyiqlərlə bağlı mətbuat konfransı keçirib.
Onun sözlərinə görə, sayt keçən ilin fevralından fəaliyyətə başlayıb. Keçən ilin noyabrında Yeni Yasamal, Əsəd Əhmədov küçəsi, 10 saylı ünvana köçdükdən sonra problemlərlə üzləşdiklərini nəzərə çatdırıb. Saytın fəaliyyət göstərdiyi məkan Atakişi Cahanov soyadlı bir polis polkovnikinə aid olub.
A.Cahanov M.Məmmədova redaksiyaya gizli kamera yerləşdirildiyini söyləyib.
Kollektiv üzvləri bunun harada olmasını müəyyən etməyə çalışsalar da, uğura nail ola bilməyiblər. Əksinə, bu səylərinə görə bu il yanvarın 24-də Yasamal rayon 29 saylı polis bölməsinə aparılıblar.
M.Məmmədovun sözlərinə görə, redaksiyaya hücum edərək onları 29 saylı polis bölməsinə aparan şəxslər jurnalistləri ayrı-ayrı otaqlarda saxlayıblar. Burada jurnalsitlərə və eləcə də bütünlükdə media qurumlarına qarşı ciddi təhqirlər olub. Yeri redaksiyaya icarəyə verən A.Cahanov da jurnalistlərə hədə-qorxuya başlayıb. Redaksiya rəhbərliyinin “əxlaqsızlıq yuvası” açması haqda ittihamlara məruz qoyulacağı deyilib və barələrində təhqiqat başlanacağı deyilib.
M.Məmmədov barələrində başlanan təhqiqatla bağlı durumun nə yerdə odluğunu bilmədiyini söyləyib. Kollektivə olan bu təzyiqi aradan qaldıra bilmək üçün mediadan olan həmkarlarının dəstəyinə ehtiyacları olduğu nəzərə çatdırılıb.
Artıq adı çəkilən ofisdən çıxdıqlarını deyən M.Məmmədov bu təzyiqlərə cavab olaraq hüquq-mühafizə qurumlarına müraciət etmək istədiklərini söyləyib. -05C-
-
- Cəmiyyət
- 27 Fevral 2014 16:53
-
- Söz istəyirəm
- 27 Fevral 2014 17:14
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz