Sülh və Demokratiya İnstitutu (SDİ) qanunları və ölkə vətəndaşlarının hüquqlarını pozduğuna görə Bakı meri Hacıbala Abutalıbovu cinayət məsuliyyətinə cəlb etməyə çağırıb.
Buna Abutalıbovu istefaya çağıran AXCP gənc fəalı Tofiq Dadaşovun 10 gün müddətinə həbsi əsas olub.
SDİ hesab edir ki, Abutalıbovun cinayət məsuliyyətinə cəlb edilməsi tələbi ilə hüquq-mühafizə orqanlarına rəsmi müraciət etmək lazımdır.
Bəyanatda qeyd edilir ki, SDİ 2011-ci ildən etibarən Azərbaycan hüquq-mühafizə orqanlarını H.Abutalıbovu cinayət məsuliyyətinə cəlb etməyə çağırır.
2010-cu ilin fevral ayından 2011-ci ilin iyununa qədər SDİ prezident İlham Əliyevin vətəndaşlara korrupsiyaya qarşı mübarizə aparmaq və korrupsiya faktları haqqında məlumat vermək çağırışına cavab olaraq dövlət başçısına, Korrupsiyaya qarşı Mübarizə üzrə Dövlət Komissiyasının sədrinə, DİN, Baş Prokurorluq, Ali Məhkəmə rəhbərlərinə 8 məktub göndərib.
SDİ direktorunun sözlərinə görə, Abutalıbov və tabeliyindəki şəxslər Azərbaycan CM-in aşağıdakı maddələrində nəzərdə tutulmuş cinayətləri törədiblər: 107-ci maddə “Əhalinin deportasiyası və ya məcburi köçürülməsi”, 157.3-cü maddə “Mənzil toxunulmazlığı hüququnun pozulması”, 178.3-cü maddə “Mütəşəkkil qrup tərəfindən törədilmiş və xüsusilə böyük ölçüdə ziyana səbəb olmuş fırıldaqçılıq”, 179.3-cü maddə “Xüsusilə böyük ölçüdə dövlət vəsaitlərinin mütəşəkkil qrup tərəfindən mənimsənilməsi və israf edilməsi”, 186.2-ci maddə “Əmlakın qəsdən məhv edilməsi və ya əmlaka ziyan vurulması ağır nəticələrə səbəb olduqda”, 308.2-ci maddə “Vəzifə səlahiyyətlərindən sui-istifadə ağır nəticələrə səbəb olduqda”, 309.2-ci maddə “Vəzifə səlahiyyətlərini aşma ağır nəticələrə səbəb olduqda”, 322.2-ci maddə “Özbaşınalıq”.
2013-cü ildə SDİ Bakı şəhər icra hakimiyyətinə qarşı AR Ali Məhkəməsinə qədər bütün instansiya məhkəmələrində bir sıra məhkəmə proseslərini qazanıb. 2013-cü ilin oktyabrından 2014-cü ilin fevralına qədərki dövrdə H.Abutalıbova məhkəmə qərarlarının yerinə yetirilməsi zərurəti haqqında 10 məktub, o cümlədən, Səbail rayon məhkəmə qərarlarının icrası şöbəsinin müdiri Araz Hüseynovun imzası ilə məktub, AR Məhkəmə-Hüquq Şurasından MHŞ aparatının baş müşaviri Zahid Məmmədovun imzası ilə məktub və s. göndərilib. Lakin bütün bu məktublara məhəl qoyulmayıb.
“Qüvvədə olan qanunvericiliyə əsasən, məhkəmə icraçılarının təqdimatı əsasında Ədliyyə Nazirliyinin İstintaq İdarəsi H.Abutalıbova qarşı məhkəmə qərarlarının qəsdən yerinə yetirilməməsinə görə cinayət işi açmalıdır”. SDİ vətəndaşları hüquq-mühafizə orqanlarından cinayət törədən vəzifəli şəxslərə qarşı cinayət işləri açılmasını daha fəal şəkildə tələb etməyə çağırır. -06D-
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz