Keçmiş siyasi məhbus, müstəqil jurnalist kimi Ucarda fəaliyyət göstərən Fuad Hüseynovun anası oğlunun yenidən şərlənərək həbs təhlükəsi önündə qaldığını bildirir.
Jurnalistin anası oğlunun şərlənməsinə səbəb kimi ailəyə məxsus torpağın zəbt olunmasını göstərir. Belə ki, F.Hüseynovun atası 1997-ci ildə Ucar şəhərinin mərkəzi hissəsi olan Azərbaycan küçəsində 300 kv metrə yaxın torpaq sahəsi alıb. Daha sonra həmin torpaq sahəsinin müəyyən hissəsi F.Hüseynovun atasının, digər hissəsi isə jurnalistin bacısının adına sənədləşdirilib. Ailə torpaqların onlara məxsus olması haqda bələdiyyənin, Daşınmaz Əmlakın Dövlət Reyestri Xidmətinin (DƏDRX) sənədlərinə malikdir. F.Hüseynovun anası qeyd edir ki, həmin torpaq sahəsini onlardan xəbərsiz rayon rəsmiləri Bakıda yaşayan Etibar Sirac oğlu Qasımov adlı əslən Ucardan olan şəxsə satıb.
Bununla bağlı ailə yuxarı instansiyalara şikayət edib, həmin şikayətin nəticəsi kimi qanunsuz tikinti işi dayandırılıb. Bu şikayət rayon icra hakimiyyətini qəzəbləndirib. Ananın sözlərinə görə, bundan sonra rayon rəsmiləri jurnalistin yenidən həbs olunmasını gündəmə gətiriblər.
F.Hüseynovun anası bildirir ki, oğlunu narkotik, xuliqanlıq və ya hansısa qondarma ittihamla həbs gözləyir, buna görə çox narahatdır. F.Hüseynov ilk dəfə həbs olunanda atası dünyasını dəyişib. F.Hüseynovun anası oğlu həbs olunsa bu dəfə özünün öləcəyini deyir.
F.Hüseynovun anası bu təhlükə ilə bağlı dövlət başçısı İ.Əliyevə, deputat Mehriban Əliyevaya, hüquq-mühafizə qurumları rəhbərlərinə müraciət etdiyini deyib.
F.Hüseynov 2010-cu ildə Cinayət Məcəlləsinin xuliqanlıq maddəsilə ittiham olunaraq 6 il 4 ay azadlıqdan məhrum edilib, 2014-cü ilin mayında əfv olunaraq azadlığa çıxıb. Onun həbsinə səbəb isə sosial şəbəkələr vasitəsilə bölgədəki rüşvət, korrupsiya, məmur özbaşınalığı ilə bağlı xəbərləri yayması olub. -05B-
Cəmiyyət
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
-
2025-ci ilə qədəm qoyduqca, dünya müxtəlif sahələrdə əhəmiyyətli inkişaflarla qlobal mənzərəmizi yenidən formalaşdırmağa hazır olan həlledici bir mərhələdə dayanır.
-
Avstraliyalı demoqraf və sosioloq Mark Makkrindl “Beta Nəsli”nin yaranmasını təsvir edib — o, bu demoqrafik qrupu 2025-2039-cu illər arasında doğulan insanlar kimi müəyyənləşdirərək, qlobal nəsil kimliyində yeni bir fəsil açıldığını vurğulayıb.
Rəy yaz