KİV: Rövşən Lənkəranski İstanbulda ağır yaralanıb

 Ötən gecə İstanbulun Beşiktaş rayonunda azərbaycanlı biznesmen Rövşən Əliyevə sui-qəsd olub. “Anadolu” agentliyi məlumat verib. Onun adına olan pasport cinayət yerindən tapılıb.  Agentliyin məlumatına görə, biznesmen Barbaros bulvarındakı otellərin birində iş görüşməsi keçirib. Bundan sonra  Azərbaycan nömrəsi olan Range Rover-ə əyləşərək getməyə hazırlaşıb. 

Bu vaxt iki naməlum şəxs səs boğucusu olan avtomat və tapancadan avtomobilə atəş açıb. Hər iki sərnişin ağır yaralanıb. Onlar xəstəxanaya yerləşdirilib. Sürücü vəfat edib, biznesmenin vəziyyəti ağırdır. Bəzi məlumatlara görə, biznesmenin əsl adı Rövşən Canıyevdir. Sonradan xəstəxanaya onun qardaşı gəlib. Polis hücum edənləri axtarır.

Bakıdakı bəzi qeyri-rəsmi mənbələr isə bildiriblər ki, R.Canıyev ölüb və doğma yurdu Lənkəranda onun dəfninə hazırlıq işləri başlayıb.

Qeyd edək ki, Rövşən Canıyev Azərbaycanda və keçmiş SSRİ məkanında ən “kriminal avtoritet” sayılır. O, digər kriminal avtoritet Ded Hasanın ölümündə ittiham olunur. Bundan sonra kriminal liderlər onun barəsində ölüm hökmü çıxarıblar. O, uzun illərdir ki, BƏƏ-də yaşayır və Azərbaycana az-az gəlir.02D-