Martın 4-də Mədən Sənayesində Şəffaflığın Artırılması (MSŞA) Koalisiyası Şurasının 171-ci Şura iclası keçirilib və iclasda Koalisiyadakı hazırkı durum və qarşıda duran vəzifələr müzakirə olunub. Xəbər Turan-a Koalisiyadan verilib.
Xəbərdə deyilir ki, iclasda bu il martın 8-9-da Boqotada keçiriləcək MSŞT Beynəlxalq İdarə Heyətinin 36-cı iclasına hazırlıq məsələləri müzakirə olunub.
Koalisiyanın hazırki durumla bağlı mövqeyi müəyyənləşdirilib.
Müzakirələrdə deyilib ki, Beynəlxalq İdarə Heyətinin 2016-cı ilin oktyabr ayında Astanada keçirilən toplantısında Azərbaycan qarşısında qoyduğu reyestrdən çıxarış, donorların və qrant layihələrinin qeydiyyatının ləğvi problemləri həllini tapmayıb: “QHT-lər haqqında qanunvericiliyə son zamanlar edilmiş məhdudlaşdırıcı əlavə və düzəlişlərin aradan qaldırılması istiqamətində addımlar atılmayıb, Koalisiya üzvlərinin bir sıra problemləri həll olunmayıb”.
Xəbərdə deyilir ki, İclasda Koalisiyada münasibətlərin uzlaşdırılmasına dair Şura üzvü Sabit Bağırovun Şuraya ünvanladığı təkliflər müzakirə olunub və bu müzakirələrin S.Bağırovun öz iştirakı ilə növbəti iclasda davam etdirlməsi qərara alınıb.
Şura üzvləri mayın 1-dən gec olmayaraq Koalisiyanın XIX Ümumi Yığıncağının keçirilməsinə qərar verib və bununla bağlı Yığıncağa hazırlıq üzrə Təşkilat Komitəsi yaradılıb, Koalisiyanın Əsasnaməsinin təkmilləşdirilməsi ilə İşçi Qrupun formalaşması elan olunub. -05D-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz