MSŞA QHT Koalisiyası problemləri sadalayır
Mədən Sənayesində Şəffaflığın Artırılması (MSŞA) QHT Koalisiyası Mədən Sənayesində Şəffaflıq Təşəbbüsü üzrə beynəlxalq idarə heyətinə müraciət ünvanlayıb.
Sənəddə MSŞA QHT Koalisiyası-Azərbaycanın problemləri müəyyən edilib.
Müəlliflərə görə, Koalisiya üzvü olan 30-dək QHT-nin dövlət qeydiyyatına alınmaması, 2014-ci ildə imzalanmış 12 qrant layihəsinin icra edilə bilməməsi, qurum üzvü olan 4 nəfərin səfərlərə gedib-qayıdarkən yoxlamalara məruz qalması, 2 üzv təşkilatın üzərindən vergi cəriməsinin götürülməməsi, 3 üzv təşkilatın bank hesabındakı vəsaitin Vergilər Nazirliyi tərəfindən təşkilata məlumat verilmədən silinməsi problemi var. Sənəddə qurum üzvü olan 2 şəxsin qanunsuz həbsi, 2 nəfərin sosial şəbəkələrdə fəallığa görə həbs olunmaları problemlər sırasındadır.
Müəlliflər vurğulayır ki, hökumət Dövlət Neft Fondu vasitəsilə Koalisiyanın daxili işlərinə müdaxilə edir. Sənəddə deyilir ki, Koalisiya Şurası 2017- ci il üçün Çoxtərəfli Qrupa yeni üzvlər seçsə də, onlara fəaliyyət imkanları yaradılmayıb, rəsmi müraciət olunsa da, MSŞT üzrə Hökümət Komissiyasının sədri Koalisiya Şurası üzvlərilə müzakirələr aparmayıb: “Qeyri-hökumət Təşkilatlarına (QHT) Dövlət Dəstəyi Şurasının 2016-cı il maliyyə yardımı üzrə 1-ci müsabiqə çərçivəsində MSŞA QHT Koalisiyasına institusional və proqram dəstəyinin təmin edilməsi ilə bağlı 15000 AZN (9000 USD) vəsait ayrılmasına dair qərar qəbul edilib, sonradan bu müqavilə QHT-lərə DDŞ tərəfindən birtərəfli qaydada ləğv edilib”.
Müəlliflər vurğulayrlar ki, Azərbaycan qanuvericiliyndə xarici donorların qrantvermə hüququnun əldə olunması və qrantların qeydiyyatı prosedurlarında texniki sadələşdirilmə edilsə də, qüvvədə olan qanunlarda hər hansı dəyişiklik edilməyib.
Müəlliflər hesab edirlər ki, qanunvericilikdə məhdudlaşdırıcı dəyişikliklər qaldıqca müsbətə doğru dəyişiklik olmayacaq.
Müəlliflər da xatırladırlar ki, Ədliyyə Nazirliyinin 2015-ci ilin dekbarında qəbul etdiyi “Qeyri-hökumət təşkilatlarının, xarici dövlətlərin qeyri-hökumət təşkilatlarının filial və ya nümayəndəliklərinin fəaliyyətinin öyrənilməsi Qaydaları” inzibati orqana QHT-lərin fəaliyyətinə geniş müdaxilə imkanı verir.
Bundan irəli gələrək, MSŞA Koalisiyası MSŞT İdarə Heyətini Azərbaycana münasibətdə MSŞT Standartlarına uyğun davranmağa çağırır. -05D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz