İşgəncələrə Qarşı Mübarizə Komitəsinin sədri Elçin Behbudov bu gecə ürəktutmasından qəfil dünyasını dəyişib.
O, uzun müddət idi ki, şəkər xəstəliyindən əziyyət çəkirdi. Elə bu xəstəliyi ilə bağlı bu ilin fevralında Mərkəzi Hərbi Hospitalda müalicə almışdı.
E.Behbudov 1960-cı ildə Bakıda anadan olub. 1985-1995-ci ilə kimi polis və xüsusi xidmət orqanlarında qulluq edib. Bu sistemdə sonuncu iş yeri prezident yanında Xüsusi İdarədə xidmət rəisi vəzifəsi olub. 1995-ci ilin mart hadisələrilə bağlı həbs edilib, işgəncələrə məruz qalıb. Həbsdən azad edildikdən sonra hüquq-müdafiə işinə qoşulub. Uzun müddət idi ki, İşgəncələrə Qarşı Mübarizə Komitəsinə rəhbərlik edirdi.-05B-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz