![Komitə sədri Mübariz Qurbanlı: Gəncləri qorumaq cəmiyyətin məsuliyyətidir](https://turan.az/resized/./turan-750-500-resize.webp)
Komitə sədri Mübariz Qurbanlı: Gəncləri qorumaq cəmiyyətin məsuliyyətidir
Çərşənbə axşamı Yardımlı rayonunda “Ənənəvi islam dəyərləri və müasirlik” mövzusunda ikigünlük regional konfrans öz işinə başlayıb.
Dini Qurumlarla İş üzrə Dövlət Komitəsinin sədri Mübariz Qurbanlı ateizmin hakim olduğu sovet dönəmində Yardımlıda dini dəyərlərin qorunduğunu xüsusi vurğulayıb. Komitə sədri Azərbaycanın mahiyyətinə görə dünyəvi, hüquqi və demokratik dövlət olduğunu deyib, həm də multikulturalizm və tolerantlıq ölkəsi odluğunu xatırladıb.
Komitə sədri ölkədə dini maarifləndirmə və milli mənəvi dəyərlərin təbliğini gücləndirmək üçün dini icmalara 2,5 milyon manat vəsait ayrıldığını bildirib. M.Qurbanlı dini icmaların fəaliyyəti üçün ölkədə hər cür şəraitin yaradıldığını nəzərə çatdırıb.
Komitə sədri islam dinini radikalizmə sürükləmək, bəzi qüvvələrin islamı siyasiləşdirmək meylləri olduğunu xatırladıb. Onun fikrincə, bu qüvvələr belə əməllərlə islamı gözdən salmağa, terrorla əlaqələndirməyə çalışırlar. Komitə sədri gənclərin dini və mənəvi-əxlaqi dəyərlərə yad radikal təriqətlərin təsirindən qorumaq məsuliyyətinin bütün cəmiyyətin üzərinə düşdüyünü xüsusi olaraq qeyd edib.
Cənub bölgəsi dindarlarının, ictimaiyyət nümayəndələrinin qatıldığı regional konfransın iyulun 29-da plenar iclaslarla davam etdiriləcəyi nəzərə çatdırılır. -05D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz