"Koroğlu" mеtro stansiyası yanındakı yeni şəhərətrafı avtobus dayanacağı insanların həyatına təhlükə yaradır

Əslində, yeni dayanacaq göstərilən məqsədə nəinki  uyğun deyil, hətta insanların həyatına təhlükə yaradır. Geniş şəhərətrafı avtobus dayanacağında hərəkət  təhlükəsizliyi texnikasının gözlənildiyinin əsər-əlaməti belə yoxdur. Burada piyadaların hərəkəti üçün səki və xüsusi ayrılmış sahələr, avtobusların nömrələrini bildirən göstəricilər yoxdur. Bu obyektin ilk iş günü sərnişinlər üçün ciddi problemlər yaranıb. Marşrutların axtarışında olan sıx insan axını az qala ictimai nəqliyyat  təkərlərinin altında qalıb.

"İctimai nəqliyyat dayanacaqlarının təhlükəsizlik texnikası və sərnişinlərin rahatlığına  uyğun olaraq  təşkilini tənzimləyən sənədlər mövcuddur. Lakin  Bakı Nəqliyyat Agentliyinin dayanacağın guya  sərnişinlərin rahatlığığını təmin etmək  məqsədi ilə köçürüldüyü barədə bəyanatlarına baxmayaraq, biz tamamilə əks nəticə alındğını müşahidə edirik. Obyekt elementar təhlükəsizlik normalarını  pozur. Təşkilatçıların hər cür məqsədi ola bilər, lakin onların sərnişinlərin təhlükəsizliyi və rahatlığına heç bir aidiyyəti yoxdur", — deyə "Sürücülərə  təhsildə yardım" QHT-nin  sədri və təsisçisi  Fazil Məmmədov Contact.Az-a bildirib.

Dayanacaqların  layihələndirilməsi qaydaları vardır, onlar bir çox nüansları ehtiva edir. Məsələn, belə obyektlər avtobus dayanacağı yanında gözləmə meydançalarının hazırlanması metodikasına uyğun olmalıdır. Buraya pavilyon, səkilər, piyada yolları, yaşıllaşdırma, oturacaqlar, zibil qutuları və lazım gələrsə, zibil üçün  konteynerlər, tualet daxildir. Adətən, dayanacaqlarda yağışdan örtülər və/və ya oturacaqlar quraşdırırlar.

Müsahibimizin sözlərinə görə, burada demək olar ki, həmişə bu dayanacaqda dayanan ictimai nəqliyyat marşrutları nömrələrinin göstərildiyi lövhəcik, həmçinin çox vaxt  marşrutların cədvəli və onların və ya rayonun xəritəsi olur. "Bu, sərnişinlərin rahatlığı barədə bəyanat verən təşkilat  tərəfindən mütləq  icra olunmalı elementar tələblərdir. Ən azı, yol-nəqliyyat hadisələriə yol verməmək məqsədi ilə  nəqliyyatın dayanması üçün normal meydança hazırlanmalı idi", — deyə Məmmədov bildirib və qeyd edib ki, bu ərazidə bədbəxt hadisələrin ehtimalı çox yüksəkdir.

Son illər Bakı Metrosunun "Koroğlu" stansiyası ətrafındakı ərazi çoxlu dəyişikliklərə məruz qalıb. Burada Bakı Olimpiya Stadionu və Milli Gimnastika Arenası kimi böyük idman obyektləri tikilib. Yaradılmış nəqliyyat qovşağı nəqliyyatın hərəkətini asanlaşdırıb, salınmış "Alov" parkı isə öz musiqili fəvvarəsi ilə turistlər arasında şöhrət qazanıb. Yeganə başağrısı şəhərətrafı avtobusların dayanacağıdır. Ənənəvi olaraq, beynəlxalq tədbirlər və əcnəbilərin axını ərəfəsində onu "təhlükəsiz", ən başlıcası, gözə dəyməyən bir yerə keçirmək istəyirlər. Axı,  Bakının mərkəzindən fərqli olaraq, şəhərin  ətrafı üzrə işləyən ictimai nəqliyyat pis vəziyyətdədir.

Sonuncu dəfə şəhərətrafı avtobus dayanacağını Ilk Avropa Oyunları ərəfəsində bilavasitə H. Əliyev prospektindən başqa yerə köçürmüşdülər. Onun müdhiş torlarla əhatə olunmuş əvvəlki yerində hətta yağış və qızmar yay günəşinindən qorunmaq üçün  ötülər yox idi.